ဒီကနေ့ ရန်ကုန်မြို့က လူငယ်တွေ စုပေါင်းပြုလုပ်တဲ့ ဘာတွေလဲ ရန်ကုန်သားတွေ သပိတ်ဟာ twitter ပေါ်မှာ တော်တော်လေး ပျံ့နှံ့နေတာကို တွေ့ရပါတယ်။
ဒီ သပိတ်စစ်ကြောင်းအတွင်းမှာတော့ ရန်ကုန်တိုင်းအတွင်းက မြို့နယ်တွေမှာ ပြောက်ကျားသပိတ်ပြုလုပ်နေတဲ့ လူငယ်တွေများစွာပါဝင်ခဲ့ပြီး မိနစ်ပိုင်းလောက် ချီတက် ဆန္ဒဖော်ထုတ်ခဲ့တယ်လို့ သိရပါတယ်။
ဒီချီတက်သပိတ်အတွင်းမှာတော့ စမ်းချောင်းက လူငယ်များ ၊ တောင်ဥက္ကလာပက လူငယ်များ ၊ သာကေတက သူငယ်များ ပါဝင်ပြီး လူဦးရေ ရာနဲ့ချီတယ်လို့ သိရပါတယ်။
ဒီပြောက်ကျား သပိတ်စစ်ကြောင်းဟာ စမ်းချောင်းမြို့နယ်အတွင်းက လမ်းကြားတွေထဲမှာ ချီတက်ဆန္ဒထုတ်ဖော်ခဲ့ပြီး အောင်မြင်စွာလူစုခွဲနိုင်ခဲ့တယ်လို့လည်း သိရပါတယ်။
ဒီကနေ့ ဧပြီလ ၂၇ ရက်နေ့ ရန်ကုန်မှာ စမ်းချောင်းကလူငယ်စုပေါင်းသပိတ်အပြင် အင်းစိန်က ကြောက်ခေတ်ကိုမှောက်ပစ်သပိတ် ၊ ဘူးသပိတ်ဆန္ဒထုတ်ဖော်မှုတွေအပြင် အခြားသော သပိတ်တွေလည်းရှိခဲ့တယ်လို့ သိရပါတယ်။
ဒါ့အပြင် မြန်မာနိုင်ငံအတွင်းက အခြားသောမြို့တွေမှာလည်း ဖိနှိပ်ခံရမှုတွေကြားထဲကနေ အမျိုးမျိုးသောပုံစံတွေနဲ့ ဆန္ဒထုတ်ဖော်မှုတွေ ရှိနေတာကိုလည်း တွေ့ရပါတယ်။