ဆေးကုသသူတွေ သဒ္ဓါတရားထက်သန်စွာလှူခဲ့တဲ့ ငွေများအား ဘုရားတည်ဖို့အတွက် လိုအပ်တဲ့နေရာများတွင်အသုံးပြုသွားမယ့် ထူးခန့်ကျော်

သရုပ်ဆောင်  ထူးခန့်ကျော်ကတော့  အနုပညာလောကမှာ  ပရိသတ်တွေရဲ့ အားပေးမှုတွေနဲ့ နေရာတစ်နေရာ  ရရှိပိုင်ဆိုင်ထားသူ တစ်ယောက်ဖြစ်ပါတယ်။   သူကတော့  ပါဝင်ရိုက်ကူးတဲ့ ဇာတ်ကားတိုင်းကိုလည်း  ထိမိပြောင်မြောက်စွာ သရုပ်ဆောင်နိုင်သူ ဖြစ်ပါတယ်။  အခုလက်ရှိမှာလည်း  တတ်မြောက်ထားတဲ့ ပညာရပ်များဖြင့်  ပြည်သူတွေရဲ့ နာကျင်ကိုက်ခဲမှုတွေကို ပျောက်ကင်းအောင် ကုသပေးနေတာပါ။

သူရရှိတဲ့ ချွေးနည်းစာငွေများကိုလည်း  လိုအပ်တဲ့ ပြည်သူတစ်ချို့အား လှူဒါန်းပေးနေတာ  ဖြစ်ပါတယ်။  အခုလိုစိတ်ကောင်းစေတနာကောင်းရှိလွန်းတဲ့ ထူးခန့်ကျော်ကို  ပရိသတ်တွေက အရင်ထက်ပိုပြီး ချစ်ခင်အားပေးနေကြတာပါ။  သူ့ရဲ့လှုပ်ရှားမှုတွေကိုလည်း  ဝေမျှပေးတတ်သူဖြစ်ပြီး မကြာသေးခင်  နာရီပိုင်းလောက်ကလည်း  ထူးခန့်ကျော်ရဲ့ လူမှုကွန်ယက်စာမျက်နှာတွင် ဆေးကုသသူတွေ သဒ္ဓါတရားထက်သန်စွာလှူခဲ့တဲ့ငွေများအား ဘုရားတည်ဖို့အတွက် လိုအပ်တဲ့နေရာများတွင်အသုံးပြုသွားမယ့် အကြောင်း ရေးသားထားတာပါ။

သူကလည်း " သာဓုအကြိမ်ကြိမ်ခေါ်ဆိုလိုက်ရပေသည် ကျွန်တော် ခုနှစ်ရက်သားသမီးများရဲ့ထုံ ကျင် ကိုက်ခဲဝေဒနာများအား အခမဲ့ကုသပေးရာတွင် မိမိတို့သဒ္ဒါအားဖြင့်လှူတန်းသွားသောငွေများအားစေတီတည်ဖို့ရည်ရွယ်ထားခြင်းဖြစ်ပေသည်။ တစ်ချို့သောပုဂ္ဂိုလ်များသည်ကျွန်တော်ထံဆေးလာကုခြင်းမဟုတ်ဘဲ ကျွန်တော်စေတီတည်ရာတွင် သဒ္ဓါစိတ်ပေါက်ကာ လာရောက် လှူဒါန်းခြင်းဖြစ်ပေသည်။ ယနေ့လာရောက်လှူဒါန်းသွားသောအလှူရှင်မိသားစုအားလုံးတို့အားသာဓုအကြိမ်ကြိမ်ခေါ်ဆိုလိုက်ရပေသည် ယနေ့လှူဒါန်းသွားသောအလှူရှင်မိသားစုများနှင့် ခုနှစ်ရက်သားသမီးများအားလုံးတို့ဘေးရန်ခပ်သိမ်းကင်းငြိမ်းကာ နှလုံးစိတ်ဝမ်းအေးချမ်းကြပြီးကပ်ကြီးသုံးပါးတို့မှလည်းကင်းဝေကြ၍ ကောင်းကျိုးလိုအင်ဟူသမျှပြီးပြည့်စုံစွာရရှိကြပါစေ အလှူရှင်မိသားစုတို့လည်းဒီထက်မကလှူဒါန်းနိုင်ကြသောပုဂ္ဂိုလ်ထူးမြတ်များဖြစ်ကြပါစေ။ ကျွန်တော်ထံလှူဒါန်းထားသောအလှူရှင်များအားဆက်လက်ဖော်ပြပေးပါအုံးမည် အားလုံးကျန်းမာလို့ချမ်းသာကြပါစေနော်???" ဆိုပြီး ရေးသားထားတာဖြစ်ပြီး ပရိသတ်တွေအတွက် ဒီသတင်းကို တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။

Source and Photo Crd-Htoo Khant Kyaw’s Facebook Account