လူငယ်တွေကတော့ သူတို့ရဲ့အသက်ကိုတောင် ပဓာနမထားဘဲ အခုချိန်မှာ နေ့မနား ညမနား ကြိုးစားအားထုတ်နေကြတာ ဖြစ်ပါတယ် ။ အခက်အခဲ၊ အတားအဆီးတွေကြားကနေ လူထုလှုပ်ရှားမှုပွဲတွေကို ရအောင်ပြုလုပ်နေကြတဲ့ လူငယ်တွေက ပြည်သူတွေရဲ့အရှေ့မှာ မားမားမတ်မတ်ရပ်တည်နေတာ ဖြစ်ပါတယ် ။ ဒီလိုလူငယ်တွေကို ချီးကျူးလေးစားတဲ့အနေနဲ့ စေတနာရှင် ပြည်သူတွေကလည်း တတ်နိုင်သလောက် အကူအညီပေးနေကြတာ ဖြစ်ပါတယ် ။
အခုလည်း လူထုလှုပ်ရှားမှုမှာ ပါဝင်ခဲ့တဲ့ လူငယ်တစ်ဦးက စိတ်ရင်းစေတနာကောင်းတဲ့ ဘဘကြီးတစ်ယောက်ရဲ့အကြောင်းကို လူမှုကွန်ယက်စာမျက်နှာကတစ်ဆင့် ရေးသားပြောပြထားတာ ဖြစ်ပါတယ် ။ အဲ့ဒီဘဘကြီးကတော့ ပြေးရင်းလွှားရင်းနဲ့ မောပန်းလာတဲ့ လူငယ်တွေကို သူရောင်းနေတဲ့ ရေခဲချောင်းတွေ အလကားလိုက်ကျွေးခဲ့တာပဲ ဖြစ်ပါတယ် ။ ရေခဲပုံးရဲ့အဖုံးအပေါ်မှာ ရေခဲထုပ်တွေတင်ပြီး လိုက်ဝေပေးပါဦးလို့ ပြောခဲ့တဲ့ ဘဘကြီးက ပိုက်ဆံပေးတာတောင် မယူဘဲ အတင်းငြင်းလွှတ်ခဲ့တာ ဖြစ်ပါတယ် ။
ပြည်သူတစ်ယောက်က အဲ့ဒီဘဘကြီးကို (၅၀၀၀) တန်တစ်ရွက် ထုတ်ပေးတာတောင်မယူဘဲ (၄၀၀၀)တောင် မရမက ပြန်အမ်းခဲ့သေးတာ ဖြစ်ပါတယ် ။ ဒါ့အပြင် ဘဘကြီးက "ဘဘကလည်း ငါ့တူတို့နဲ့ အတူတူဘဲကွ" ဆိုပြီး အနားကိုကပ်ကာ တိုးတိုးလေးပြောသွားခဲ့ကြောင်း စာထဲမှာ ရေးသားထားတာလည်း ဖြစ်ပါတယ် ။ မရှိရှိတာလေးနဲ့တောင် ရအောင်လှူဒါန်းတတ်တဲ့ ဘဘကြီးရဲ့စေတနာတွေကြောင့် လူငယ်တွေလည်း ပီတိဖြစ်ခဲ့ရတာပဲ ဖြစ်ပါတယ် ။
Source & Photo Credit-Original Uploader