သရုပ်ဆောင် ဝေဠုကျော်ကတော့ ပရဟိတအလုပ်တွေကို စိတ်ရောကိုယ်ပါ အားစိုက်ကာ လုပ်ကိုင်နေသူ တစ်ဦးဖြစ်ပါတယ်။ သူ့ရဲ့ဖောင်ဒေးရှင်းမှ အဖွဲ့ဝင်ညီအစ်ကိုမောင်နှမများနှင့်လည်း လိုအပ်တဲ့ နေရာတိုင်းကိုသွားရောက်ကာ ကူညီဆောင်ရွက်ပေးနေတာလည်း ဖြစ်ပါတယ်။ ဝေဠုကျော်ရဲ့ပရဟိတအလုပ်အပေါ် ကြိုးစားပမ်းစား အားထုတ်လုပ်ဆောင်မှုတွေကြောင့် ပရိသတ်တွေကပါ လေးစားအားကျနေကြတာ ဖြစ်ပါတယ်။
နေ့စဉ်မပြတ် လှူဒါန်းနေတဲ့ အလှူပုံရိပ်တွေကိုလည်း ပရိသတ်တွေ သာဓုခေါ်ဆိုနိုင်အောင် သူ့ရဲ့ ဖောင်ဒေးရှင်းလူမှုကွန်ယက်စာမျက်နှာတွင် ဝေမျှပေးနေတာလည်း ဖြစ်ပါတယ်။ မကြာသေးခင် မိနစ်ပိုင်းလောက်ကလည်း ဝေဠုကျော်ဖောင်ဒေးရှင်း Facebook Page တွင် စစ်ဘေးရှောင် ပြည်သူများနဲ့ပတ်သက်ပြီး တတ်နိုင်သလောက် လှူဒါန်းပေးကြဖို့ တောင်းဆိုနေတာ ဖြစ်ပါတယ်။ စစ်ဘေးရှောင် တိုင်းရင်းသားတွေဟာ သူတို့ရဲ့ အိုးအိမ်တွေကိုစွန့်ခွာကာ ထွက်ပြေးနေရဆဲ ဖြစ်တာကြောင့် စားရေးသောက်ရေးအပြင် အခြား လိုအပ်တဲ့အရာများစွာ ရှိနေတာပါ။
သူကလည်း " 15-4-2021
တိုက်ပွဲတွေ ဆက်လက် ဖြစ်ပွားနေလို့ တောတောင်ထဲ
အိုးအိမ်စွန့် ရှောင်ပုန်းနေရတယ့် တိုင်းရင်းသားရွာတွေ ထပ်တိုးလာနေပါတယ်။
ဒုက္ခမျိုးစုံနဲ့ ပုန်းခိုနေရတယ့် တိုင်းရင်းသားညီအကိုများအတွက် အကူအညီများစွာလည်း ရှေ့ဆက် လိုအပ်နေပါဦးမယ်။
တိုင်းရင်းသား တိုက်ပွဲရှောင်များအတွက် လှူပေးလိုသော စေတနာအလှူရှင်များ အနေနဲ့
ဖောင်ဒေးရှင်းမှ တစ်ဆင့် လှူပေးလို့ရပါတယ်။ " ဆိုပြီး နှိုးဆော်တိုက်တွန်းထားတာပဲ ဖြစ်ပြီး ပရိသတ်တွေအတွက် ဒီသတင်းကို တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd-Wai Lu Kyaw Foundation’s Facebook Page