ပရိသတ်ကြီးရေ.. အောင်မြင်မှုတွေအခိုင်အမာရရှိထားတဲ့ သရုပ်ဆောင်အကယ်ဒမီမင်းသမီးချော ပိုင်ဖြိုးသုကတော့ တော်လှန်ရေးတိုက်ပွဲကြီးမှာ ဖေဖော်ဝါရီ(၁)ရက်နေ့ကတည်းကပါဝင်ခဲ့ပြီး ပြည်သူတွေနဲ့အတူ ရပ်တည်နေခဲ့သူပဲ ဖြစ်ပါတယ်..။
ပိုင်ဖြိုးသုနဲ့ ခင်ပွန်းဖြစ်သူဒါရိုက်တာဏကြီးတို့ကတော့ လူထုလှုပ်ရှားမှုတွေကို ရဲရဲရင့်ရင့်နဲ့ ပြုလုပ်ခဲ့တာဖြစ်ပြီး ၅၀၅-က ဖြင့် အမှုဖွင့်အရေးယူခြင်းခံထားရတဲ့ အနုပညာရှင်များထဲမှာလည်း သူမတို့ဇနီးမောင်နှံနှစ်ယောက်လုံး ပါဝင်တာ တွေ့ရပါတယ်..။
ပိုင်ဖြိုးသုကတော့ လက်ရှိအခြေအနေတွေအရ ရှောင်တိမ်းနေရပေမယ့်လည်း ပြည်သူတွေနဲ့အနာဂတ်တွေအတွက် တတ်နိုင်သလောက် အားဖြည့်လုပ်ဆောင်နေပြီး သတင်းအမှားတွေတင်တာနဲ့ ပတ်သက်ပြီး ပြည်သူတွေကိုသတိပေးပြောပြလာပါတယ်..။
ရှောင်တိမ်းနေရသူတွေနဲ့ ဖမ်းဆီးခံထားရသူတွေကို သနားသောအားဖြင့် သတင်းအမှားတွေတင်ပြီးမခြောက်လှန့်ကြဖို့ကို ပိုင်ဖြိုးသုက သူမရဲ့ဖေ့စ်ဘွတ်စာမျက်နှာကနေ တိုက်တွန်းတောင်းဆိုလိုက်တာပဲ ဖြစ်ပါတယ်..။
"ဆရာလုပ်တာမဟုတ်ပါဘူး...
ဉာဏ်မီသလောက်စဉ်းစားမိတာလေးပါ...
အခုချိန်မှာ တော်တော်များများ internet connectionတွေမရကြတော့ပါဘူး...
ခါတိုင်းပုံမှန်postတင်နေကြတဲ့သူအားလုံးနီးပါးလည်း ၅၀၅ နဲ့ဝရမ်းထုတ်ခံထားရတာနဲ့ ဝရမ်းမှာပါလာဖို့potentialများတာနဲ့မို့ ပြေးရင်းပုန်းရင်းinternetသုံးရတာမို့..အရင်လိုသတင်းတိုင်းကိုမတင်နိုင်ကြသလို စိတ်ဓါတ်တက်ကြွအောင် အားပေးတဲ့စာတွေရေးတင်ဖို့ကလည်းအဆင်မပြေကြတော့ပါဘူး...
အဲဒီလိုအချိန်မှာ အနူးညွတ်တောင်းပန်လိုတာက ငါ့အိမ်ကိုတော့ စစ်သားအင်အားဘယ်နှစ်ယောက်နဲ့တောင်လာရှာတာတစ်အိမ်လုံးကိုဘယ်လိုဖျက်ဆီးသွားတာ တစ်ရပ်ကွက်လုံးကိုနာမည်စာရင်းကြီးနဲ့ဘယ်လိုပိုက်စိပ်တိုက်ရှာတာဆိုတဲ့ သတင်းအမှားတွေတင်ပြီး ခြောက်လှန့်ခြင်းမပြုကြပါနဲ့....
အခုချိန်မှာ ၅၀၅နဲ့ဝရမ်းထုတ်ခံရတာ ရှာဖွေဖမ်းဆီးခံရတာတွေဟာ လူစိတ်ဝင်စားခြင်းခံရဖို့အတွက်လက်မှတ်မဟုတ်ပါဘူး...
တကယ်ပုန်းနေပြေးနေရသူတွေကိုအားနာပါ....
တကယ်မတရားဖမ်းဆီးခံရသူတွေကို သနားပါ....
သတင်းအမှားတွေက သတင်းအမှန်တွေကိုဖုံးလွှမ်းသွားရင် လူတွေမှာအကြောက်တရားစိုးမိုးသွားရင် ဘယ်သူ့အတွက်မှအကျိုးမရှိပါဘူး....
နောက်တစ်ခုက ရည်ရွယ်ချက်ရှိရှိနဲ့ကို partyပေးပျော်မြူးနေကြတဲ့2019လောက်ကပုံအဟောင်းတွေကိုအခုလက်ရှိဖြစ်ပျက်နေသလို ဟန်ဆောင်တင်တာပါ...
အခုချိန်ဟာ followerများအောင်ကြိုးစားရမယ့်အချိန်မဟုတ်ပါ...မိမိbusinessအောင်မြင်ဖို့followerတွေများဖို့ အရေးတော်ပုံအောင်မှကြိုးစားကြရအောင်ပါ...
အရေးတော်ပုံအောင်ရမည်.." ဆိုပြီး ပိုင်ဖြိုးသုက အသိပေးရေးသား ပြောပြထားတာ ဖြစ်ပါတယ်..။
သတင်း အရင်းအမြစ်៖ Paing Phyo Thu's Fb Acc