သရုပ်ဆောင် ပိုင်တံခွန်ကတော့ မနေ့ညက ပုဒ်မ ၅၀၅(က) ဖြင့် အမှုဖွင့်အရေးယူခံခဲ့ရတာပဲ ဖြစ်ပြီး ဒီမနက်အစောပိုင်းမှာဘဲ သူ့ရဲ့နေအိမ်တွင် ဖမ်းဆီးထိန်းသိမ်းခံခဲ့ရတာပဲ ဖြစ်ပါတယ်။ သူဟာ ကျန်းမာရေးတော်တော်လေးကို ချူချာနေတာကြောင့် နေအိမ်သို့ ခေတ္တပြန်နေတဲ့ အချိန်မှာ အခုလိုဖြစ်သွားခဲ့တာပဲ ဖြစ်ပါတယ်။ သူ့ကိုချစ်တဲ့ ပရိသတ်များနဲ့ အနုပညာရှင်ညီအစ်ကိုမောင်နှမများက ပိုင်တံခွန်ရဲ့ ကျန်းမာရေးအတွက် စိုးရိမ်နေကြတာပါ။
ပိုင်တံခွန် ဖမ်းဆီးထိန်းသိမ်းခံလိုက်ရတဲ့ သတင်းဟာ ပြည်တွင်းတွင်သာမကဘဲ ထိုင်နိုင်ငံက ရုပ်သံဌာနများတွင် ဖော်ပြရတဲ့အထိပါ အတော်လေးလှုပ်ခတ်သွားခဲ့ပါတယ်။ ပြည်တွင်းပြည်ပမှာရှိတဲ့ ပိုင်တံခွန်ရဲ့ ပရိသတ်များကလည်း အမြန်ဆုံးလွတ်မြောက်ရန်အတွက် Twitter လူမှုကွန်ယက်တွင် tweet ပေးနေကြတာလည်း ဖြစ်ပါတယ်။
မကြာသေးခင် နာရီပိုင်းလောက်ကလည်း သရုပ်ဆောင် တိုင်ရွန်ရဲ့ လူမှုကွန်ယက်စာမျက်နှာတွင် ပြည်သူတွေ ပို့သတဲ့ မေတ္တာတွေနဲ့ အမြန်ဆုံးလွတ်မြောက်ပါစေလို့ သူငယ်ချင်း ပိုင်တံခွန်အတွက် ဆုတောင်းပေးနေတဲ့ စာလေးရေးသားထားတာပဲ ဖြစ်ပါတယ်။ " သူငယ်ချင်းရေ မင်းအဆင်မပြေမှန်းသိိပေမယ့် အဆင်ပြေပါစေဆုတောင်းပေးရုံကလွဲလို့ ဘာမှမတတ်နိုင်ခဲ့ဘူးကွာ သူတော်ကောင်းနတ်ကောင်းမပါစေကွာ ?
ပြည်သူတွေပို့သတဲ့မေတ္တာနဲ့ မင်းအမြန်ဆုံးလွတ်မြောက်ပါစေ " ဆိုပြီး ရေးသားထားတာပဲ ဖြစ်ပြီး ပရိသတ်တွေအတွက် ဒီသတင်းကို တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd-Paing Takhon’s Facebook Page and Tyron Bejay’s Facebook Account