အနုပညာရှင် မောင်နှမတွေနဲ့အတူ စုပေါင်းကာ အလှူငွေကျပ် ၁၁သိန်းကို မန္တလေးက မီးဘေးသင့်ပြည်သူတွေထံ လှူဒါန်းသွားမယ့် မအေးသောင်း

ပရိသတ်ကြီးရေ သရုပ်ဆောင် မအေးသောင်းကတော့ လက်ရှိဖြစ်ပေါ်နေတဲ့ အခြေအနေတွေမှာ သူမ တတ်နိုင်တဲ့ဘက်ကနေ ကူညီအားဖြည့်နေတဲ့ ​သူတစ်ယောက်ပါ။ မအေးသောင်းက ဒီကနေ့ ဧပြီလ ၁ရက်နေ့မှာတော့ မန္တလေးမြို့က နံသာရွာ တံခွန်တိုင်နွားဘေးမဲ့ခြံမှာ မနက် ၅နာရီလောက်က မီးဘေးသင့်ခဲ့လို့ အိမ်ခြေရာမဲ့ဖြစ်ကာ အကူအညီလိုအပ်နေတဲ့ ပြည်သူတွေထံ အလှူငွေပေးအပ်လှူဒါန်းဖို့ ပြင်ဆင်နေခဲ့ပါတယ်။ 

သူမကိုယ်တိုင်လည်း အလှူငွေထည့်ဝင်သလို ခင်မင်ရင်းနှီးရတဲ့ သူငယ်ချင်းမိတ်ဆွေတွေ ၊ အနုပညာရှင်မောင်နှမတွေနဲ့အတူ စုပေါင်းလှူဒါန်းဖို့အတွက် အလှူငွေကောက်ခံနေတာပဲ ဖြစ်ပါတယ်။ မအေးသောင်းက မကြာသေးတဲ့ နာရီပိုင်းအချိန်လောက်က သူမရဲ့ Facebook Account ထက်မှာ တစ်ရက်ထဲနဲ့ အလှူငွေကျပ် ၁၁သိန်းရရှိခဲ့တဲ့ စရင်းကို တင်ပေးလာခဲ့ပါတယ်။ 

အလှူငွေရရှိခဲ့တဲ့ စရင်းအပြင် မအေးသောင်းက " မီးဘေးအတွက် လှူကြတဲ့အလှူငွေတွေပါ အိမ်ထောင်စု နောက်ဆုံးရထားတဲ့စာရင်း ၁၅၁ စုပါ။ အလှူငွေ စုစုပေါင်း ၁၁ သိန်းတိတိပါရှင့် ပါဝင်လှူဒါန်ကြတဲ့ တစ်ယောက်ချင်းစီတိုင်း ကျေးဇူးတင်ပါတယ်။ သာဓု သာဓု သာဓု ပါရှင့် စာရင်းထဲမှာ ကျန်ခဲ့တဲ့သူရှိရင် လာပြောနိုင်ပါတယ်ရှင့် " ဆိုတဲ့ စာသားလေးကိုလည်း ရေးသားလာခဲ့တာပါ။ အခုလို လိုအပ်နေတဲ့ နေရာတွေမှာ အားတတ်သရော ကူညီလုပ်ဆောင်တ​တ်တဲ့ မအေးသောင်းရဲ့ ပုံတွေနဲ့ စာသားတွေကို ပရိသတ်တွေထံ ကူးယူဖော်ပြပေးလိုက်ပါတယ်။ 

သတင်း အရင်းအမြစ်៖ Source & Photo credit - Aye Thaung's Facebook Account