သရုပ်ဆောင် ဥက္ကာမင်းမောင်ကတော့ ပြည်ပနိုင်ငံတွင် နေထိုင်ပေမယ့်လည်း မြန်မာနိုင်ငံတွင် လက်ရှိဖြစ်ပေါ်နေတဲ့ အရေးနဲ့ပတ်သက်ပြီးတော့ သူ့ရဲ့ လူမှုကွန်ယက်စာမျက်နှာမှ တစ်ဆင့် Speak out လုပ်ပေးနေတာလည်း ဖြစ်ပါတယ်။ သူနေထိုင်ရာ နယူးယောက်မြို့တွင် ပြုလုပ်တဲ့ မြန်မာနိုင်ငံအရေးအတွက် ဆန္ဒထုတ်ဖော်ပွဲမှာလည်း တတ်နိုင်တဲ့ အခန်းကဏ္ဍကနေ ပါဝင်ဆောင်ရွက်ခဲ့သူလည်း ဖြစ်ပါတယ်။ ပြည်သူတွေဘက်ကနေ အခိုင်အမာရပ်တည်ပေးနေသူဖြစ်တာကြောင့် အားလုံးက ချီးကျူးနေကြတာပါ။
မြန်မာနိုင်ငံတွင် ဖြစ်နေတဲ့ အခြေအနေများကိုလည်း သူ့ရဲ့လူမှုကွန်ယက်များမှတစ်ဆင့် ဝေမျှပေးနေတာကိုလည်း မြင်တွေ့ကြရမှာပါ။ မကြာသေးခင် နာရီပိုင်းလောက်ကလည်း ဥက္ကာမင်းမောင်ရဲ့ Facebook အကောင့်တွင် ပြည်ပမှာနေပေမယ့်လည်း ပြည်သူတွေဘက်မှအခိုင်အမာ ရပ်တည်ကာ ပံ့ပိုးကူညီသွားမယ့်အကြောင်း အသိပေးရေးသားလာတာပဲ ဖြစ်ပါတယ်။ လက်ရှိအခြေအနေမှာ ကျန်းမာရေးမကောင်းပေမယ့်လည်း တတ်နိုင်သလောက် အလှူငွေထည့်ချင်တာကြောင့် အလုပ်ချိန်ပိုလုပ်ဖြစ်နေကြောင်းကိုလည်း ပြောပြထားတာပါ။
" အစာအိမ်ပြန်ရောင်နေတာ နေလို့သိပ်မကောင်း... အလုပ်ချိန်ကလည်း တစ်ပတ် နာရီ ၅၀ လောက်ဖြစ်နေတာ..အိမ်ပြန်ရောက်တာနဲ့ ပင်ပန်းပြီး ဖတ်ဖတ်ကိုမော ဘာမှ မလုပ်ချင်မကိုင်ချင်.. ကိုယ်ရှေ့ဆက်မယ့် plan တွေအတွက်အပြင် လှူချင်တဲ့အတွက်ကြောင့်လည်း အလုပ်ချိန်ပိုလုပ်နေပါတယ်..
ကိုယ့်ဝင်ငွေထဲ မျှပြီးတော့ နေရာစုံ လိုက်လှူနေပါတယ်.. အဝေးကနေ ကိုယ်တတ်နိုင်တဲ့ဘက်က အသက်ရှင်နေသရွေ့ ပြည်သူ့ဘက်ကရပ်တည်ပြီး ပံ့ပိုးကူညီသွားပါမယ်.. ပြီးခဲ့တဲ့ ရက်တွေက Facebook ပေါ် မှာ သိပ်မရှိတာနေသိပ်မကောင်းတာနဲ့ အလုပ်မအားတာကြောင့်ပါ.. အားလုံးစိတ်ကျန်းမာရေး Mental Health ကလဲ အရေးကြီးတဲ့အတွက်ဒီအချိန်မှာ စိတ်ညစ် စိတ်ဓါတ်ကျနေကြမှန်းလည်း သိပေမယ့် ကိုယ့်စိတ်သက်သာရာရစေမယ့် ရုပ်ရှင်ကြည့်တာမျိုး သူငယ်ချင်းတွေနဲ့ စကားပြောတာမျိုး မိသားစုနဲ့ တူတူ အချိန်ဖြုန်းတာမျိုးလေးတွေလည်း လုပ်ပါလို့ပြောချင်ပါတယ်... ဒီမိုကရေစီပြန်မရမချင်း ရေရှည်မှာစိတ်ထောင်းလို့ ကိုယ်ကြေဖြစ်မှာစိုးလို့ပါ.. အရှုံးမပေးဘူးနော်... အားတင်းထား.. အရေးတော်ပုံအောင်ရမည်?? " ဆိုပြီး ရေးသားထားတာပဲ ဖြစ်ပြီး ပရိသတ်တွေလည်း သိရှိနိုင်အောင် ဒီသတင်းကို တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd-Okkar Min Maung’s Facebook Account