ဂီတလောကမှာ အောင်မြင်မှုတွေအခိုင်အမာရရှိထားတဲ့ အဆိုတော်ရေဗက္ကာဝင်းကတော့ လတ်တလောဖြစ်ပေါ်နေတဲ့အခြေအနေတွေနဲ့ ပတ်သက်ပြီး လှုပ်ရှားမှုတွေဆက်တိုက်ပြုလုပ်ကာ ပြည်သူတွေဘက်ကနေ ရပ်တည်နေသူပဲ ဖြစ်ပါတယ်..။
ငွေအား လူအားတွေနဲ့ အဖက်ဖက်ကနေ တတ်နိုင်သလောက် ပြည်သူတွေအတွက် အားဖြည့်ပါဝင်ပေးနေတဲ့ ရေဗက္ကာဝင်းကတော့ နေ့တိုင်းလိုလို လှူဒါန်းမှုတွေ ပြုလုပ်နေတာကိုလည်း ပရိသတ်တွေမကြာခဏဆိုသလို မြင်တွေ့ရမှာပါ..။
ပြည်သူတစ်ယောက်အနေနဲ့ ကျရာတာဝန်ထမ်းနေတဲ့ ရေဗက္ကာဝင်းကတော့ ဒီကနေ့မှာလည်း စားဝတ်နေရေးခက်ခဲနေကြတဲ့ ပြည်သူအချို့အတွက် စားသောက်ကုန်တွေလှူဒါန်းပြီး ကောင်းမှုကုသိုလ်လေးတွေ ပြုလုပ်ခဲ့ပြန်ပါတယ်..။
စေတနာရှင်မိတ်ဆွေသူငယ်ချင်းတွေနဲ့အတူ မြောက်ဒဂုံနဲ့ ရန်ကင်း၊ တောင်ဥက္ကလာတို့မှာ အိမ်ထောင်(၁၅၀)စာအတွက် ဆန်၊ ဆီနဲ့ အခြားစားသောက်ကုန်တွေကို လိုက်လံပေးဝေ လှူဒါန်းခဲ့တာဖြစ်ပြီး မန္တလေးကနာရေးတွေအတွက်လည်း အလှူငွေတွေ ထည့်ဝင်လှူဒါန်းခဲ့ပါသေးတယ်..။
"ဒီနေ့ စေတနာရှင်များဖြစ်ကြတဲ့
Shingni Nbat အနုပညာပိုးသဘက်(မြစ်ကြီးနား)
ပထမမြန်မာနှစ်ခြင်းအသင်းတော် (ဆန်ဖရန်စ္စစ်ကို)၊
မနဒီဝါ ၊ မThidar Dwyer (LA) တို့နဲ့အတူပေါင်းပြီး စားဝတ်နေရေးအခက်အခဲဖြစ်နေတဲ့ ပြည်သူတွေအတွက်
ဆန်
ဆီ
ကြက်သွန်နီ
ကြက်သွန်ဖြူ
ငြုပ်သီးခွဲခြမ်းမှုန့်
ကုလားပဲ
ပဲမှုန့် အကျက်
ပမှုန့်အစိမ်း
ခေါက်ဆွဲခြောက်ထုပ်
အိမ်ထောင် ၁၅၀စာ မြောက်ဒဂုံနဲ့ ရန်ကင်း၊ တ/ဥက္ကလာတို့မှာ ကုသိုလ်ဖြစ်ပါဝင်လှူဒါန်းခဲ့ပါတယ်?
မန္တလေးနာရေးအတွက်လည်း မPyae Phyo Khine နဲ့အတူ ကူငွေပါဝင်ဖြစ်ခဲ့ပါတယ်..." ဆိုပြီး အလှူရှင်တွေရဲ့ ထည့်ဝင်လှူဒါန်းမှုတွေကိုပြောပြထားပြီး အလှူပုံရိပ်တွေကိုလည်း အသိပေးဝေမျှထားတာပဲ ဖြစ်ပါတယ်..။သာဓုခေါ်စရာကောင်းလွန်းတဲ့ ရေဗက္ကာဝင်းနဲ့ သူမတို့သူငယ်ချင်းတွေရဲ့ အလှူကိုလည်း ပရိသတ်တွေက သာဓုခေါ်ဆုတောင်းပေးနေကြတာလည်း Comment တွေမှာ တွေ့ရပါတယ်..။
သတင်း အရင်းအမြစ်៖ Rebecca Win's Fb Acc