ပရိသတ်တွေရဲ့အားပေးမှုတွေအခိုင်အမာရရှိထားပြီး အနုပညာလမ်းကြောင်းမှာ အောင်မြင်မှုတွေနဲ့ လျှောက်လှမ်းနေတဲ့ မင်းသားနေဒွေးကတော့ လက်ရှိအခြေအနေတွေမှာ အလှူအတန်းတွေဆက်တိုက်လုပ်ဆောင်နေတာ တွေ့ရပါတယ်..။
လှူဒါန်းမှုတွေပြုလုပ်ကာ ပြည်သူတွေနဲ့အတူရပ်တည်နေပြီး တတ်နိုင်တဲ့ဘက်ကနေ အားဖြည့်ပါဝင်ပေးနေတဲ့ နေဒွေးကတော့ စားဝတ်နေရေးခက်ခဲနေကြတဲ့ ပြည်သူတွေအတွက်လည်း တတ်နိုင်သလောက် ကူညီဖေးမနေတာလည်း ဖြစ်ပါတယ်..။
အခုလိုအစစအရာရာခက်ခဲကြပ်တည်းနေကြတဲ့ အချိန်မှာ လှိုင်သာယာက စားဝတ်နေရေးခက်ခဲနေကြတဲ့ ပြည်သူတွေအတွက် မိတ်ဆွေသူငယ်ချင်းတွေနဲ့အတူပူးပေါင်းပြီး စားသောက်ကုန်တွေ ပေးဝေလှူဒါန်းခဲ့တာပဲ ဖြစ်ပါတယ်..။
စားဝတ်နေရေးအခက်အခဲတွေနဲ့ ရင်ဆိုင်ကြုံတွေ့နေကြရသူတွေအတွက် ဆန်၊ ဆီ၊ ငါးသေတ္တာ၊ ကြက်ဥနဲ့ ခေါက်ဆွဲခြောက်တွေကို ကိုယ်တိုင်ကိုယ်ကျ လှူဒါန်းခဲ့တဲ့အပြင် သံဃာတော်တွေအတွက်လည်း စားသောက်ကုန်တွေနဲ့ အလှူငွေတွေ ကပ်လှူပူဇော်ခဲ့တာလည်း တွေ့ရပါတယ်..။
"လှိုင်သာယာ နှစ်ပုံကျောင်း ရေအုပ်ကန်ရပ်ကွက် မှစားဝတ်နေရေးခက်ခဲနေသောပြည်သူများကို BTZ လူငယ်အဖွဲ့ , ထိုင်းနိုင်ငံမှ ရွှေမြန်မာများ , ညီမလေး ထူးချစ်အဖွဲ့နှင့်အတူပူပေါင်းပြီး ဆန် , ဆီ , ခေါက်ဆွဲခြောက် , ငါးသေတ္တာ , ကြက်ဥ စသော စားသောက်ကုန် တန်ဖိုး ၁၈သိန်းကျော် ကို အခက်အခဲအတားအဆီးမရှိပဲ သွားရောက်လှုဒါန်းပြီးစီးခဲ့ပါသည်??????.." ဆိုပြီး အလှူအကြောင်းကို ဝေမျှထားတာပါ..။
စေတနာအလှူရှင်တွေဖြစ်ကြတဲ့ မိတ်ဆွေသူငယ်ချင်းတွေနဲ့အတူ လိုအပ်နေတဲ့ပြည်သူတွေအတွက် ဆန်ဆီနဲ့ အခြားစားသောက်ကုန်တွေ သွားရောက်လှူဒါန်းခဲ့ကြတဲ့ နေဒွေးရဲ့ပုံရိပ်လေးတွေကိုလည်း တင်ဆက်ပေးလိုက်ပါတယ်..။
သတင်း အရင်းအမြစ်៖ Nay Dway's Fb Acc