သရုပ်ဆောင် နန်းမြတ်ဖြိုးသင်းကတော့ မကြာသေးတဲ့ ရက်ပိုင်းကမှ သမီးလေးကို မွေးဖွားထားပေမယ့်လည်း လက်ရှိဖြစ်ပေါ်နေတဲ့ အခြေအနေတွေမှာ တစ်တပ်တစ်အားအနေနဲ့ ပါဝင်နေတာဖြစ်လို့ ပရိသတ်တွေက အရင်ကထက် အချစ်ပိုကြတာကို တွေ့ရပါတယ်။ နန်းမြတ်က အားပေးသူ Follower များတဲ့ သူမရဲ့ Facebook Account ထက်မှာ လက်ရှိဖြစ်ပေါ်နေတဲ့ အခြေအနေတွေကို အများပြည်သူသိရအောင် ဝေမျှလေ့ရှိတာဖြစ်ပြီး မကြာသေးတဲ့ နာရီပိုင်းအချိန်ကလည်း Postတစ်ခုတင်ပေးလာခဲ့ပါတယ်။
ဒါကတော့ ဒီကနေ့ မတ်လ ၂၇ရက်နေ့မှာ မြန်မာနိုင်ငံအနှံ့အပြားက ပြည်သူတွေ သွေးမြေကျခဲ့ရတာဖြစ်လို့ နန်းမြတ်က " ကြားရမြင်ရတာတွေရင်ကွဲမတတ်ပါပဲ ဒီလောက်ရက်စက်နေကြတာ လူတွေမှဟုတ်သေးရဲ့လား ပြင်းပြလွန်းတဲ့ပြည်သူတွေရဲ့စိတ်ဓာတ် ကိုတော့မလေးစားပဲမနေနိုင်ပါဘူး ဆုံးရှုံးရတဲ့အသက်သွေးကြွေးတွေအမြန်ဆုံးရပ်တန့်ပြီး အောင်ပွဲဆင်ခွင့်ရပါတော့ မခံစားနိုင်တော့ဘူး " ဆိုပြီး ရေးသားမျှဝေလာခဲ့တာပါ။
အပြစ်မဲ့တဲ့ ပြည်သူတွေရဲ့ အသက်တွေကို ဒီထက်ပိုပြီး မဆုံးရှုံးစေချင်တဲ့အပြင် တရားမျှတမှုရရှိဖို့အတွက် ပြင်းပြလွန်းတဲ့ ပြည်သူတွေရဲ့ စိတ်ဓာတ်ကို မလေးစားပဲ မနေနိုင်တော့ဘူးလို့ ပြောလာတဲ့ နန်းမြတ်ရဲ့ စာသားတွေကို ပရိသတ်တွေထံ ကူးယူဖော်ပြပေးလိုက်ပါတယ်။ အခုလို အခြေအနေမျိုးမှာ ပြည်သူတွေဘက်က ရပ်တည်ပြီး အမှန်တရားကို မြတ်နိုးတဲ့ နန်းမြတ်ဖြိုးသင်းရဲ့ ပုံတွေကိုလည်း ပြန်လည်တင်ဆက်ပေးလိုက်ပါတယ်။
သတင်း အရင်းအမြစ်៖ Source & Photo Credit - Nann Myat Phyo Thin's Facebook Account