သရုပ်ဆောင် ပိုင်တံခွန်ကတော့ ပရိသတ်တွေရဲ့ တစ်ခဲနက် ဝန်းရံအားပေးမှုကို သိမ်းပိုက်ရရှိထားတဲ့ အနုပညာရှင်တစ်ဦးပဲ ဖြစ်ပါတယ်။ သူ့ရဲ့ အနုပညာလှုပ်ရှားမှုတွေဟာ နိုင်ငံတကာထိပါ ပေါက်ရောက်အောင်မြင်နေတာလည်း ဖြစ်ပါတယ်။ လက်ရှိဖြစ်ပျက်နေတဲ့ အခြေအနေတွေနဲ့ ပတ်သက်ပြီးတော့လည်း သူ့ရဲ့ Facebook အကောင့်မှာ ရေးသားမျှဝေရင်း နိုင်ငံတကာသိစေဖို့ speak out လုပ်နေတာပဲ ဖြစ်ပါတယ်။
ပြည်သူတွေနဲ့အတူ အမှန်တရားဘက်ကနေ မားမားမတ်မတ်ရပ်တည်ပေးနေတာကြောင့်လည်း ပရိသတ်တွေက လေးစားနေကြတာပါ။ လက်ရှိအခြေအနေတွေကြောင့် ခေတ္တတိမ်းရှောင်နေရပေမယ့်လည်း သူ့ရဲ့လူမှုကွန်ယက်များမှတစ်ဆင့် သတင်းအချက်အလက်များအား ဝေမျှပေးနေတာလည်း ဖြစ်ပါတယ်။ ဒီကနေ့မှာလည်း မြိတ်မြို့နယ်တွင် လူထုလှုပ်ရှားမှုမှာ ပါဝင်ရင်းနဲ့ သူရဲကောင်းတစ်ချို့ ကျဆုံးခဲ့ကြရတာပါ။
မကြာသေးခင် မိနစ်ပိုင်းလောက်ကလည်း ပိုင်တံခွန်ရဲ့Facebook Page တွင် သာယာလှတဲ့ သူ့ရဲ့မြို့လေးမှာ ကျဆုံးသွားခဲ့ရတဲ့ ကလေးတွေအတွက် နှမြောတသဖြစ်ကြောင်းကို " ကော့သောင်းမြို့တို့ မြိတ်မြို့တို့ ဆိုတာ သိပ်ကိုသာယာတာ
ကျွန်တော် ရန်ကုန်ရောက်လို့ မိတ်ဆွေအသစ်ရတိုင်း ကိုယ့်မြို့လေးအကြောင်း ကြွားလို့မဝခဲ့ဘူး
အခုတော့ ကျွန်တော်တို့မြို့မှာ ကလေးတွေ ဘယ်နှစ်ယောက် တောင်အသတ်ခံနေရပြီဆိုတာကို ရင်နာနာနဲ့တောင် မဖြေနိုင်တော့ဘူး
ဆုံးရှုံးသွားတဲ့ အသက်တွေ နှမြောတသစွာ ပြန်မရနိုင်တော့ပေမယ့်
ရှိနေသေးတဲ့ အရာရာတိုင်းကိုလည်း ထွက်ခွာခွင့်မပြုနိုင်တော့ဘူး
မြန်မာတစ်နိုင်ငံလုံးအပါအဝင် ကျွန်တော်ကြီးပြင်းခဲ့တဲ့ငယ်မြို့လေးတွေ အရင်လို ပျော်ရွှင်စရာတွေ အပြည့်နဲ့ ပြန်မြင်ချင်တယ်ဗျာ " ဆိုပြီး ဝမ်းနည်းစွာ ရေးသားထားတာကို ပရိသတ်တွေလည်း သိရှိနိုင်စေရန်အတွက် တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd-Paing Takhon’s Facebook Page