ပရိသတ်ကြီးရေ.. ဇာတ်ကားများစွာရိုက်ကူးထားပြီး အနုပညာလောကမှာ အောင်မြင်မှုတွေအခိုင်အမာရရှိထားတဲ့ သရုပ်ဆောင်မင်းသားနေဆန်းကတော့ လက်ရှိအခြေအနေတွေနဲ့ပတ်သက်ပြီး လှူဒါန်းမှုတွေ ပြုလုပ်နေသူပဲ ဖြစ်ပါတယ်..။
နေဆန်းတို့ဇနီးမောင်နှံကတော့ ဒီကနေ့မှာကျရောက်လာကြတဲ့ သူတို့ဇနီးမောင်နှံရဲ့ မင်္ဂလာနှစ်ပတ်လည်နေ့မှာ လိုအပ်နေတဲ့ ပြည်သူတွေအတွက် တတ်နိုင်သလောက် လှူဒါန်းမှုတွေပြုလုပ်ပြီး ကုသိုလ်ယူခဲ့ကြတာလည်း တွေ့ရပါတယ်..။
(၁၄)ကြိမ်မြောက် မင်္ဂလာနှစ်ပတ်လည်အလှူအဖြစ် ဘုန်းကြီးကျောင်း၊ သီလရှင်ကျောင်း၊ ခင်မင်ရင်းနှီးတဲ့မိတ်ဆွေတချို့အပြင် လိုအပ်နေတဲ့ပြည်သူတွေအတွက်လည်း စားသောက်ကုန်တွေနဲ့ အလှူငွေတွေ လှူဒါန်းခဲ့တာ ဖြစ်ပါတယ်..။
သူမတို့ဇနီးမောင်နှံနှစ်ယောက်အတူ သမာအာဇီဝကျကျရှာဖွေထားတဲ့ ငွေကြေးတွေနဲ့ ဆန်၊ ဆီ၊ ဆား၊ ဟင်းသီးဟင်းရွက်နဲ့ အလှူငွေတွေ ပေးအပ်လှူဒါန်းခဲ့ဖြစ်ပြီး အလှူပုံရိပ်လေးတွေကိုလည်း ပြန်လည်မျှဝေထားပါသေးတယ်..။
"ဒီနေ့ (26.3.2021)
ကိုနေဆန်းနဲ့ကျမတို့ရဲ့
(14)နှစ်မြောက်မဂ်လာနှစ်ပတ်လည်အလှူလေးပါ။
(1)ဘုန်းကြီးကျောင်းများအတွက်ဆန်+ဆီ+ဆား
(2)သီလရှင်ကျောင်း(18)ကျောင်းအတွက် ဆန်+ဆီ+ဆား+ဟင်းသီးဟင်းရွက်အစုံလှူဒါန်းပါတယ်။
(3)ခင်မင်ရင်းနှီးရတဲ့မိတ်ဆွေတချို့အတွက် မေတ္တာ လက်ဆောင်များ ပို့ပေးဖြစ်ခဲ့တယ်။
(4)လိုအပ်နေတဲ့ရပ်ကွက်တချို့မှာလဲ ဆန်အိတ်တွေလိုက်လံဝေဌခဲ့ပါသေးတယ်။
ကျမတို့လင်မယားရဲ့ သမာအာဇီဝနဲ့ရှာဖွေလို့ရခဲ့တဲ့ငွေကြေးထဲမှာ စုစုပေါင်း ကျပ်ငွေ (32) ဖိုးတိတိလှူဒါန်းခဲ့ပါတယ်ရှင်။
ကုသိုလ် အမျှ အမျှ အမျှ ပါနော်။
?????.." ဆိုပြီး နေဆန်းရဲ့ဇနီးဖြစ်သူမချောစုက အလှူပုံရိပ်တွေကို မျှဝေထားတာပါ..။
အမှတ်တရအဖြစ်ကုသိုလ်ယူခဲ့ကြတဲ့ သူတို့ဇနီးမောင်နှံနှစ်ယောက်ရဲ့ နှစ်ပတ်လည်အလှူလေးကို ပရိသတ်တွေကလည်း နှစ်ထောင်းအားရစွာနဲ့ သာဓုခေါ်ဆုတောင်းစကားလေးတွေလည်း ပြောထားကြတာ တွေ့ရပါတယ်..။
သတင်း အရင်းအမြစ်៖ Chawsu's Fb Acc