အခုလိုအချိန်မှာ အလှူရှင်မရှိတာကြောင့် ကလေးအယောက်(၅၀)ကျော်အတွက် စားရေး၊သောက်ရေး ခက်ခဲနေရတဲ့ ဒလဘက်က မိဘမဲ့ဂေဟာ

မြန်မာပြည်သူ၊ပြည်သားတွေရဲ့ နဂိုစိတ်ရင်းအခံက အလှူအတန်းရက်ရောကြတာဖြစ်လို့ ဒီလိုကာလမျိုးမှာ ပိုပြီးတော့တောင် လှူဒါန်းနေကြတာဖြစ်ပါတယ်။လက်ရှိမှာဆိုရင် စီးပွါးရေးကျပ်တည်းကြပေမယ့် အကူအညီလိုအပ်နေကြတဲ့သူတွေကို မိမိတို့မှာရှိတာလေးတွေနဲ့ မျှပြီးလှူဒါန်းနေကြတာဖြစ်ပါတယ်။အခုလိုအချိန်မျိုးမှာ မိဘမဲ့ဂေဟာတွေအတွက်လည်း စေတနာရှင်တွေက တတ်နိုင်သလောက်လှူဒါန်းနေကြတာ ဖြစ်ပါတယ်။စေတနာရှင်ပြည်သူတစ်ဦးကတော့ ဒလဘက်မှာရှိတဲ့ မိဘမဲ့ဂေဟာကိုသွားရောက်ပြီး ကလေးတွေအတွက်လိုအပ်တာလေးတွေလှူဒါန်းခဲ့တာဖြစ်ပါတယ်။

မိဘမဲ့ဂေဟာလေးက ဒလဘက်က ကျူးကျော်လိုနေရာမျိုးမှာ တဲလေးတွေထိုးပြီး တာလပတ်လေးတွေနဲ့ကာထားတာဖြစ်လို့ အခုလိုနွေရာသီမှာ ကလေးတွေမခံနိုင်လောက်အောင် အရမ်းပူနေတာ ဖြစ်ပါတယ်။ဒီမိဘမဲ့ဂေဟာလေးကို လူသိပ်မသိကြတာကြောင့် ပုံမှန်အချိန်မှာဆိုရင်တောင် အလှူရှင်နည်းပါးတာဖြစ်ပြီး ကလေးအယောက်ငါးဆယ်ကျော်အတွက် စားရေး၊သောက်ရေး ခက်ခဲနေရတယ်လို့ သိရပါတယ်။ကလေးအယောက်(၅၀)အတွက် တစ်ရက်စာအလှူဆိုရင်တော့ တစ်သိန်းကျပ်လောက် ကျသင့်မှာ ဖြစ်ပါတယ်။

ကလေးတွေအတွက် ဝတ်စရာအင်္ကျီနည်းပါးလို့တောင် (၃)နှစ်အရွယ်ယောက်ျားလေးကို ဂါဝန်လေးဝတ်ပေးထားရတာဖြစ်ပါတယ်။အခုလိုအချိန်မျိုးမှာအလှူရှင်ပိုနည်းနေတဲ့အတွက်   ကလေးတွေအတွက် အရုပ်တို့၊အင်္ကျီတို့ကိုလည်း တစ်နိုင်တစ်ပိုင်လေးလှူဒါန်းလို့ရပါသေးတယ်။မိဘမဲ့ဂေဟာလေးကို ကိုယ်တိုင်ကိုယ်ကျသွားရောက်ပြီးလှူဒါန်းချင်တဲ့ စေတနာရှင်တွေအတွက်လည်း(Nom1100/11: Maha Ba Khaing Street: Kyan Sitt Thar Quarter.  09766035963)ကို ဆက်သွယ်လှူဒါန်းနိုင်ပါတယ်ဆိုတဲ့အကြောင်းကို ပြန်လည်မျှဝေပေးလိုက်ပါတယ်။

Source&Photo Credit: Original Uploder