အဆိုတော် ရှိုင်းကတော့ ရခိုင်လူမျိုးတစ်ယောက်ဖြစ်ပြီး သူ့ရဲ့အသံအေးအေးလေးကို ပရိသတ်တွေ နှစ်ခြိုက်အားပေးနေကြတာပါ။ မြန်မာနိုင်ငံတွင် လက်ရှိဖြစ်နေတဲ့ လူထုလှုပ်ရှားမှုတွေမှာလည်း ပြည်သူတွေနဲ့အတူ အမှန်တရားဘက်မှ ရပ်တည်ကာ ပူးပေါင်းပါဝင်ခဲ့တာလည်း ဖြစ်ပါတယ်။ လမ်းပေါ်ထွက်ကာ ရင်ထဲကဆန္ဒအမှန်တွေကို ထုတ်ဖော်ပြသခဲ့ရုံတင်မကဘဲ အခက်အခဲဖြစ်နေတဲ့ ပြည်သူတွေအတွက်လည်း လိုအပ်တာတွေလိုက်လံလှူဒါန်းပေးနေသူတစ်ယောက် ဖြစ်ပါတယ်။
အခုမှာလည်း ရခိုင်ပြည်နယ်မှာရှိတဲ့ မြောက်ဦးမြို့နယ် တိမ်ညိုစစ်ဘေးရှောင်စခန်းတွင် မီးဘေးသင့်ခံခဲ့ရတဲ့ ပြည်သူတွေအတွက် ကောက်ခံရရှိထားတဲ့ အလှူငွေ သိန်းသုံးရာကျော်အား သွားရောက်လှူဒါန်းခဲ့တဲ့ ပုံရိပ်တွေအား သူ့ရဲ့လူမှုကွန်ယက်စာမျက်နှာထက်တွင် အခုလိုဝေမျှထားတာပဲ ဖြစ်ပါတယ်။ " အောင်မြင်စွာ လှူဒါန်းခဲ့ပါပြီ ခင်ဗျာ . . . ??
ဒီနေ့ပဲ တိမ်ညိုစစ်ဘေးရှောင်စခန်းကို အလှူငွေတွေ သွားရောက်လှူဒါန်းခဲ့ပါတယ် . . .
မီးဘေးသင့်ရာမှာ ပျက်စီးခဲ့တဲ့ အိမ်ထောင်စု တစ်အိမ်ထောင်စုကို ၄၀၀၀၀ ကျပ် ( လေးသောင်းကျပ် ) နှုန်းစီဖြင့်အိမ်ထောင်စု ၆၆၇ စုစာ စုစုပေါင်း သိန်း ၂၆ ၆၈၀ ၀၀၀ ကျပ် ( သိန်းနှစ်ရာ ခြောက်ဆယ့်ခြောက်သိန်း ရှစ်သောင်းကျပ် ) ကို လည်းကောင်း . . .
ပြန်လည်ထူထောင်ရေးအတွက် တာဝန်ခံအဖွဲ့အား ၃ ၆၄၀ ၀၀၀ ကျပ် ( သုံးဆယ့်ခြောက်သိန်း လေးသောင်းကျပ် ) ကို လည်းကောင်း . . .
စုစုပေါင်း အလှူငွေ သိန်း ၃၀ ၃၂၀ ၀၀၀ ကျပ် ( သိန်း သုံးရာ့ သုံးသိန်း နှစ်သောင်းကျပ် ) ကို လှူဒါန်းပေးအပ်ခဲ့ပါတယ် ခင်ဗျာ . . .
စစ်ဘေးရှောင် မိဘပြည်သူများအားလုံးကို အားပေးစကားတွေလည်းအများကြီးပြောပေးခဲ့သလို အခုဆိုရင်အာဏာရှင်စနစ်ကို တစ်နိုင်ငံလုံးအနေအထားနဲ့ တွန်းလှန်နေကြပြီမို့ စစ်ဘေးဒုက္ခတွေကြားမှာ အတတ်နိုင်ဆုံးဆက်လက်အားတင်းထားကြဖို့လည်း သေချာပြောပြခဲ့ပါတယ် . . .
ကျွန်တော့်ဆီမှာ ယုံယုံကြည်ကြည်နဲ့ အလှူငွေ ထည့်ဝင်ပေးကြတဲ့ နိုင်ငံတစ်ဝှမ်းက အလှူရှင်မိဘပြည်သူများအားလုံးရော ၊ ငွေသားထုတ်ယူဖို့အတွက် ကူညီပေးကြတဲ့ စစ်တွေက အသိမိတ်ဆွေများ ၊ သွားရေးလာရေး ကူညီပေးကြတဲ့ အသိမိတ်ဆွေညီအစ်ကိုမောင်နှမ အားလုံးကို ရင်ထဲကနေ ပြောမပြတတ်အောင် ကျေးဇူးတင်ရှိပါတယ်ခင်ဗျ . . .
အလှူရှင်စာရင်းကိုလည်း အောက်ပါ link ထဲမှာ ဝင်ရောက် ကြည့်ရှုနိုင်ပါတယ် . . ??
https://docs.google.com/spreadsheets/d/1UxRitdPw2greasK778zW7TZlovYQd6LtwTOoKyaXG20/edit?usp=sharing
အလှူရှင် စာရင်းပြုစုရေးသားရာမှာ လူဦးရေ များပြားလှတဲ့အတွက် တစ်ချို့ နာမည်စာလုံးပေါင်းတွေ မှားယွင်းတာ၊ တစ်ချို့ wave money ကလွှဲတာတွေအတွက် နာမည်ရှာမရတာမို့ လွှဲတဲ့ ID number ပဲထည့်ပေးနိုင်တာ ၊ တစ်ချို့တွေ Bank ကလွှဲပေးပေမယ့် ss လည်းမပို့ ၊ နာမည်လုံးဝရှာမရတာတွေ ရှိတာမို့ နာမည်အားလုံး အတိအကျ စာရင်းမပြုစု မရေးသားပေးနိုင်တာရှိရင် သည်းခံ ခွင့်လွှတ်ပေးဖို့ မေတ္တာရပ်ခံ အပ်ပါတယ် ခင်ဗျာ . . . ??
ဒီနေ့ လှူဒါန်းပြီးလို့ စာရင်းပိတ်သွားပေမယ့် အခုထိ ထပ်မံရောက်ရှိလာတဲ့ အလှူငွေတွေတစ်ချို့ ကိုလည်း မနက်ဖြန်ထပ်မံသွားရောက်လှူဒါန်းပေးပါ့မယ် ခင်ဗျာ . . .
လှူဒါန်းကြသူများအားလုံးကို အခုလို အလှူငွေ တစ်ဆင့်ခံကူညီပေးခွင့်ရအောင် ကျွန်တော့်ဆီမှာ ယုံယုံကြည်ကြည်လှူဒါန်းပေးကြတဲ့အတွက်ရော ၊ ရခိုင်သားတစ်ယောက်အနေနဲ့ရော ရင်ထဲကနေ ပြောမပြတတ်အောင် ကျေးဇူးတင်ရှိကြောင်း ထပ်မံ ပြောကြားလိုပါတယ် ခင်ဗျာ . . . ??
အဖရခိုင်ပြည်ကြီး အေးချမ်းပါစေ . . .
အမိမြန်မာနိုင်ငံတော်ကြီးလည်း အေးချမ်းပါစေ . . .
အာဏာရှင် စနစ်မှန်သမျှ အမြန်ဆုံး ကျရှုံးပါစေ . . .
အားလုံး ဘေးအန္တရာယ်ကင်းဝေးကြပါစေ . . .
#Save_Arakan
#Save_Myanmar
( ps - ဒီနေ့ လှူဒါန်းခဲ့တဲ့ အလှူငွေစုစုပေါင်းနဲ့ အလှူရှင်စာရင်း link ထဲက အလှူငွေစုစုပေါင်းနဲ့ ၄၀၀၀၀ ကျပ် ကွာဟနေခြင်းဟာ ငွေသားထုတ်ယူရာမှာ အနည်းငယ် လွဲချော်မှုကြောင့် သွားလှူဒါန်းရာမှာ မပါသွားလိုက်တာဖြစ်ပြီး အခုထပ်မံဖြည့်စွက် လွှဲပေးခဲ့ပြီးဖြစ်ပါတယ် ခင်ဗျာ ) " ဆိုပြီး လှူဒါန်းသူတွေ ကြည်နူးစေရန် ဝေမျှထားတာဖြစ်တာကြောင့် ပရိသတ်တွေလည်း ထပ်တူသာဓုခေါ်ဆိုနိုင်စေရန် ဒီသတင်းကို တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd-Shine’s Facebook Page