ပရိသတ်ကြီးရေ.. သရုပ်ဆောင်မော်လ်ဒယ်တစ်ယောက်ဖြစ်သလို အဆိုတော်တစ်ယောက်အဖြစ်လည်း ပရိသတ်တွေလက်ခံအားပေးချစ်ခင်ကြတဲ့ မေကတော့ လက်ရှိအခြေအနေတွေမှာ ပြည်သူတွေနဲ့အတူ ရပ်တည်နေသူပဲ ဖြစ်ပါတယ်..။
လမ်းပေါ်ထွက်ကာ လူထုလှုပ်ရှားမှုတွေမှာ ကိုယ်တိုင်တက်တက်ကြွကြွပါဝင်နေသလို လိုအပ်နေတဲ့နေရာတွေမှာလည်း အင်တိုက်အားတိုက်နဲ့ လှူဒါန်းနေပြီး ပြည်သူတွေအတွက် တတ်နိုင်တဲ့နေရာကနေ ပါဝင်အားဖြည့်နေတာပါ..။
အလှူရှင်တွေလှူဒါန်းထားတဲ့ ငွေကြေးတွေကို လိုအပ်တဲ့နေရာတွေမှာ ပြန်လည်လှူဒါန်းနေတဲ့ မေကတော့ ကျဆုံးသွားကြတဲ့ ပြည်သူ့သူရဲကောင်းတွေရဲ့နာရေးကို သွားရောက်လှူဒါန်းရင်း မျက်ရည်ဝဲခဲ့ရတဲ့စိတ်မကောင်းစရာ အကြောင်းလေးတွေကို ပြန်လည်ပြောပြလာပါတယ်..။
တိုက်ပွဲဝင်ရင်း ကျဆုံးသွားကြတဲ့ သူရဲကောင်းသုံးဦးရဲ့ နာရေးကို ကိုယ်တိုင်သွားရောက်ပြီး အလှူငွေတွေလှူဒါန်းခဲ့တဲ့အပြင် ဖေးမကူညီမှုတွေနဲ့ အားပေးစကားလေးတွေလည်းပြောရင်း မိသားစုဝင်တွေရဲ့ ဝမ်းနည်းစကားလေးကြောင့် စိတ်မကောင်းဖြစ်ရတာတွေကို ပြောပြထားတာပါ..။
"မေ့ဆီမှာ လှူထားတဲ့ အလှူငွေ တစ်ချို့ထဲကနေ အရေးတော်ပုံအတွက် တိုက်ပွဲဝင်ရင်း ကျဆုံးသွားတဲ့ သူရဲကောင်း
ချစ်ကိုကိုဖြိုး (သင်္ကန်းကျွန်း) မောင်ကောင်းပြည့်ကျော် ( လှိုင် ) ဦးကျော်ဇင်လတ် (ခ) ဦးရှည်ကြီး တို့ရဲ့ မိသားစုဝင်တွေဆီ သွားရောက်လှူဒါန်းခဲ့ပါတယ်.. မိသားစုတစ်စုလျှင် (၉) သိန်းကျပ်ဆီလှူဒါန်းခဲ့ပါတယ်..
နောက်ပြီး လောလောလတ်လတ် တိုက်ပွဲများကြောင့် နေရပ်ဒေသကို စွန့်ခွါခဲ့ကြရတဲ့ ကချင်မြေမှ စစ်ဘေးရှောင် သွေးချင်းများအတွက် (၁၀) သိန်းလှူဒါန်းခဲ့ပါတယ်..❤️ မေ့ကို ထပ်လှူတဲ့အလှူရှင်စာရင်းလည်း အောက်မှာ ဖော်ပြပေးထားပါတယ်.. ?
ကျဆုံးသွားသူတွေရဲ့မိသားစုဝင်တွေဆီက ဝမ်းနည်းခြင်းစကားသံတွေဟာ ရင်ထဲမှာ ခံစားရပါတယ်.. “ဘဝထဲကနေစောစောထွက်ခွါသွားခဲ့ပေမယ့် တရားမျှတမှုအတွက် တိုက်ပွဲဝင်ခဲ့တဲ့ ၂၂ အရွယ်သားလေးအတွက် ဂုဏ်ယူနေမှာပါ” ဆိုတဲ့ အမေတစ်ယောက်ရဲ့စကားကြောင့် မျက်ရည်ဝဲရပါတယ်..? မေတို့အားလုံးရဲ့ စိတ်ထဲမှာလည်း အမြဲအမှတ်ရနေမှာပါ.. ??
“အရေးတော်ပုံ အောင်မည်”??.." ဆိုပြီး မေက ပြန်လည်ဝေမျှထားတာပါ..။
သတင်း အရင်းအမြစ်៖ May's Fb Page