အခုလတ်တလော လူမှုကွန်ယက်စာမျက်နှာထက်မှာ ပျံ့နှံ့နေတဲ့ ပုံရိပ်တစ်ခုကတော့ မြင်တွေ့ရသူတွေကို စိတ်မကောင်းဖြစ်စေခဲ့တာ ဖြစ်ပါတယ် ။ ဒီပုံရိပ်ထဲမှာ မိခင်တစ်ဦးက သားဖြစ်သူရဲ့ရုပ်အလောင်းကို မြင်တွေ့ရဖို့ ရင်ခွဲရုံအရှေ့မှာ ထိုင်စောင့်နေတာပဲ ဖြစ်ပါတယ် ။ ရင်နဲ့လွယ်မွေးခဲ့ရတဲ့ သားလေးကို ဆုံးရှုံးလိုက်ရတဲ့ မိခင်ဖြစ်သူကတော့ဝမ်းနည်းပူဆွေးပြီး ရင်ထဲမှာ အတိုင်းမသိနာကျင်နေမယ်ဆိုတာကို ပုံမြင်လိုက်ရုံနဲ့တင် သိစေနိုင်တာ ဖြစ်ပါတယ် ။
ကြွေလွင့်သွားတဲ့ သူရဲကောင်းကတော့ တီးတိန်မြို့နယ်၊ထေးဇန်က ဒိုဆွမ်းကိမ်းဆိုတဲ့ ကောင်လေးပဲ ဖြစ်ပါတယ် ။ အသက် (၁၉) နှစ်အရွယ်သာရှိသေးတဲ့ ဒိုဆွမ်းကိမ်းက လူငယ်ပီပီ တက်တက်ကြွကြွရှိပြီး လူထုလှုပ်ရှားမှုတွေကို ကြိုးစားပမ်းစား ပြုလုပ်ခဲ့တာ ဖြစ်ပါတယ် ။ ပြီးခဲ့တဲ့ရက်က ကျဆုံးသွားတဲ့ ဒိုဆွမ်းကိမ်းရဲ့ Dead Bodyကို မနေ့ကအထိ ပြန်လည်မရရှိသေးတာကြောင့် မိခင်ဖြစ်သူခမျာ သားလေးရဲ့ဓာတ်ပုံကိုကြည့်ပြီး ထိုင်စောင့်နေရတာ ဖြစ်ပါတယ် ။
ဒီပုံရိပ်ကို လူမှုကွန်ယက်စာမျက်နှာပေါ်မှာ မျှဝေခဲ့တဲ့ ပြည်သူတစ်ဦးက "အမေစောင့်နေတယ်နော် သား ၊ ? အသက် (၁၉)နှစ်ဖြစ်သူ Do Suan Kim ရဲ့dead body ထုတ်ဖို့ အားလုံးအဆင့်ဆင့်လုပ်ပြီး စစ်ဆေးရုံရဲ့ရင်ခွဲရုံရှေ့ရောက်ပြီးမှ ဆန္ဒပြတဲ့အချိန်ပြီးမှ ထုတ်ပေးမယ်လို့ပြောလာပါတယ် စောင့်နေကြတုန်းပါ" ဆိုပြီး ရေးသားထားတာ ဖြစ်ပါတယ် ။ ဒိုဆွမ်းကိမ်းရဲ့အဖြစ်ကို ကြားသိလိုက်ရတဲ့ ပြည်သူတွေကလည်း သူ့အတွက်ရော သူ့ရဲ့မိခင်အတွက်ပါ စိတ်မကောင်းဖြစ်နေရတာ ဖြစ်ပါတယ် ။ သားလေးကိုထိုင်စောင့်နေတဲ့ မိခင်တစ်ဦးရဲ့ရင်နင့်ကြေကွဲစရာ ပုံရိပ်တစ်ခုကို ပရိသတ်တွေအတွက် ပြန်လည်ဖော်ပြပေးလိုက်ပါတယ်။
Source & Photo Credit- Suan Mwan Sang's FB Acc