အန္တရာယ်တွေ အပစ်အခတ်တွေရှိနေပေမယ့်လည်း လမ်းမပေါ်ထွက်ကာ ရဲရဲရင့်ရင့်လှုပ်ရှားမှုပြုလုပ်ခဲ့တဲ့ ယွန်းမီမီကျော်

ခုဆိုရင် အနုပညာလောကမှာ အောင်မြင်မှုတွေအခိုင်အမာနဲ့ ရပ်တည်နေကြတဲ့ အနုပညာရှင်တွေဟာ လတ်တလောဖြစ်ပေါ်နေတဲ့ အခြေအနေတွေနဲ့ပတ်သက်ပြီး ပြည်သူတွေနဲ့အတူ နေ့စဉ်နဲ့အမျှ အားမလျော့ဘဲ တစ်သားထဲရပ်တည်ကာ တစ်ထောင့်တစ်နေရာကနေ အစွမ်းကုန်ပါဝင်လျက်ရှိနေတာကို အားလုံးမြင်တွေ့ရမှာပါနော်။အားလုံးကလည်း ဘယ်လိုဖြိုခွင်းမှုတွေရှိနေပါစေ လက်မလျော့ဘဲ ရှေ့ဆက်သွားနေကြတာပါ။

တစ်ရက်ထက်တစ်ရက်အခြေအနေတွေတင်းမာလာပြီဖြစ်တဲ့ဒီလူထုလှုပ်ရှားမှုကြီးဟာဆိုရင် အသက်ဆုံးရှုံးရသူတွေလည်းရှိသလို ဒဏ်ရာရသူတွေ ထိန်းသိမ်းခံထားရသူတွေလည်းရှိနေခဲ့ပါတယ်။အာလုံးကလည်းဒီလိုဆုံးရှုံးမှုတွေထပ်မဖြစ်အောင်တစ်ယောက်ကိုတစ်ယောက်ကူညီဖေးမရင်းယုံကြည်ချက်တွေကိုအကောင်အထည်ဖော်နေကြတာပါ။

ခုဆိုရင် အနုပညာရှင်တွေထဲမှာလည်း ခြိမ်းခြောက်ခံရမှုတွေရှိနေတာလည်းတွေ့ရပါတယ်။ဒါပေမယ့်လည်း အနုပညာရှင်တွေဟာခုချိန်ထိမကြောက်မရွံ့ဘဲပြည်သူတွေနဲ့ အတူရပ်တည်နေကြတုန်းပါ။ဒီလိုအနုပညာရှင်တွေထဲမှာမှ ယွန်းမီမီကျော်လည်းအပါအဝင်ပါပဲ။ယွန်းကဖေဖော်ဝါရီထဲကစတင်ခဲ့တဲ့ဒီလှုပ်ရှားမှုကြီးမှာတတ်နိုင်သလောက်ပါဝင်ကူညီအားဖြည့်ခဲ့တာဖြစ်ပါတယ်။အခုဆိုလည်းအပစ်အခတ်တွေရှိနေပေမယ့်ရဲရင့်စွာလမ်းပေါ်ထွက်လှုပ်ရှားမှုပြုလုပ်ခဲ့ပါတယ်။ပုံလေးတွေနဲ့အတူ "ဖိရင် ကြွမယ် ထိရင် ချမယ် နေ့စဉ်စုဝေး နွေဦးတော်လှန်ရေး "ဆိုတဲ့စာလေးဝေမျှထားရာ ပရိသတ်ကြီးအတွက်ပြန်လည်ဖော်ပြပေးလိုက်ပါတယ်။

Source & Photo Credit : Yoon Mhi Mhi Kyaw Facebook Account