မြစ်ကြီးနားမြို့က ပြည်သူပြည်သားတွေအားလုံး ဂရုတစိုက်နေကြဖို့အတွက် စိုးရိမ်ပူပန်စွာနဲ့ ရေးသားပြောဆိုလာတဲ့ ခါရာ

မော်လ်ဒယ်သရုပ်ဆောင် ခါရာကတော့ နှုတ်ခမ်းနီမလေးတွေ အားပေးချစ်ခင်ရတဲ့ အနုပညာရှင်တစ်ယောက်ပဲ ဖြစ်ပါတယ်။ ခါရာဟာ တည်ကြည်ခန့်ညားမှုတွေနဲ့ ဖက်ရှင်တွေကို စမတ်ကျကျလေး ဝတ်ဆင်တတ်ပြီး ချောမောသူပဲဖြစ်ပါတယ်။ လက်ရှိ အနုပညာလှုပ်ရှားမှုအနေနဲ့ ကြော်ငြာတွေအပြင် ရုပ်သံဇာတ်လမ်းတွဲတွေကို ရိုက်ကူးနေရတာ ဖြစ်ပါတယ်။

လတ်တလောမှာဆိုရင်လည်း ခါရာက တာဝန်ကျေတဲ့ ပြည်သူတစ်ယောက်အနေနဲ့ အနာဂတ်လှပအောင် ပြည်သူတွေနဲ့အတူအားမာန်တက်ကြွစွာ ပါဝင်တာကို တွေ့မြင်ရပါတယ်။ လမ်းမပေါ်ထွက်ပြီး လူထုလှုပ်ရှားမှုမှာ အားတက်သရော ပါဝင်တဲ့အပြင် လူမှုကွန်ယက်ကနေလည်း နိုင်ငံ့ဝန်ထမ်းများကို လူထုလှုပ်ရှားမှုမှာပိုမိုပါဝင်ပေးကြဖို့ တိုက်တွန်းပေးခဲ့ပါတယ်။ ယခုမှာဆိုရင်လည်း ခါရာက မြစ်ကြီးနားမြို့က တိုင်းရင်းသား ညီအစ်ကိုမောင်နှမတွေအတွက် သူ့ရဲ့လူမှုကွန်ယက်စာမျက်နှာမှာ စာလေးရေးသားဖော်ပြလာခဲ့ပါတယ်။

"မြစ်ကြီးနားမြို့မှာ ဖြစ်ပျက်နေတဲ့အဖြစ်အပျက်တွေကြောင့် ကျွန်တော်တို့အားလုံးလည်းစိတ်ပူနေကြပါတယ်..Media အားနည်းနေတဲ့အတွက် Media တွေအနေနဲ့လည်း အားစိုက်ပေးဖို့တောင်းဆိုချင်ပါတယ်.. မြစ်ကြီးနားပြည်သူတွေအားလုံးနဲ့အတူတူ မြန်မာတစ်နိုင်ငံလုံးကပြည်သူတွေ တစ်သွေးတစ်သားတည်းရှိနေပါတယ်..အားလုံးပဲဂရုစိုက်ကြပါ" ဆိုပြီးရေးသားထားပါတယ်။ ကဲ..ပရိသတ်ကြီးလည်း မြစ်ကြီးနားက ပြည်သူတွေအတွက် ခွန်အားဖြစ်စေမယ့် စကားလေးတွေပြောပေးခဲ့ပါဦး။

သတင်း အရင်းအမြစ်៖ Source - Khar Ra fb page