ပရိသတ်ကြီးရေ ပြီးခဲ့တဲ့ရက်ပိုင်းလောက်က လူမှုကွန်ယက်စာမျက်နှာပေါ်မှာ လမ်းဘေးအသုပ်စုံစျေးသည်လေးတစ်ယောက်ရဲ့ ဂုဏ်သတင်းကတော့ လူပြောများခဲ့ပါတယ်။ ဘာကြောင့်လည်းဆိုရင် လမ်းဘေးအသုပ်စုံစျေးသည်လေးက လူထုလှုပ်ရှားမှုမှာပါဝင်ကြတဲ့ မည်သူမဆို သူ့ရဲ့ဆိုင်လေးမှာ အခမဲ့ဝင်ရောက်သုံးဆောင်နိုင်တယ်ဆိုပြီး ခွင့်ပေးထားတာကြောင့်ပဲဖြစ်ပါတယ်။ ထိုစျေးသည်လေးရဲ့ စိတ်ထားလေးကို လေးစားရတဲ့ သရုပ်ဆောင်မင်းသမီးချောလေး ဆောင်းယွန်းစံဟာ သူရောင်းချတဲ့ နေရာကို သွားရောက်ခဲ့ပြီး လိုအပ်တဲ့ နေရာမှာအသုံးပြုဖို့အတွက် တတ်နိုင်သလောက်အလှူငွေများကို ကူညီလှူဒါန်းပေးခဲ့ပါတယ်။
ဒါ့အပြင် ဆောင်းယွန်းစံက ဒီအကြောင်းလေးနဲ့ပတ်သက်ပြီးပြောပြထားရာမှာလည်း "CDM မှာ ပါဝင်လှုပ်ရှားပေးကြရအောင်နော် ...ဆောင်းအနေနဲ့ အမြဲလှူဖြစ်ပေမဲ့ Facebook ပေါ်တင်လေ့မရှိပါဘူး...ဒါပေမဲ့ အခုတခါတော့ ဆောင်းချစ်ရသူတွေနဲ့ တသားတည်းရှိနေကြောင်း ပြောချင်ပါတယ်...အရင်ရက်က CDM မှာပါဝင်တဲ့မည်သူမဆို အခမဲ့သုံးဆောင်ခွင့်ပေးတဲ့ အကိုအတွက်ဆောင်းကနေလည်း ပြည်သူအချင်းချင်း လေးစားရလို့ Supporting ပြန်ပေးခဲ့ပါတယ် ....
နောက်ရက်တွေမှာလည်း အတူတူလိုအပ်တဲ့နေရာတိုင်းမှာ ဆောင်းအမြဲ ရှိနေမှာပါရှင့် CDM မှာပါဝင်လှုပ်ရှားပေးဖို့သာ အဓိကပါ ကျန်တဲ့အပိုင်းက ဆောင်းတို့ အနုပညာမောင်နှမတွေက ပြည်သူတွေအတွက် အမြဲရှိနေပါမယ်နော်...." ဆိုပြီး ရေးသားထားပါတယ်။ ကဲ..ပရိသတ်ကြီးရေ တတ်နိုင်တဲ့ဘက်ကနေ အသုပ်စုံရောင်းတဲ့ စျေးသည်လေးကို ကူညီလှူဒါန်းပေးခဲ့တဲ့ မင်းသမီးချောလေး ဆောင်းယွန်းစံကို ဂုဏ်ပြုစကားလေးပြောပေးခဲ့ပါဦးနော်။
သတင်း အရင်းအမြစ်៖ Source - Saung Yoon San fb page