ပရိသတ်ကြီးရေ ကလေးငယ်တွေကို အော်ဟစ်ဆူပူကြိမ်းမောင်း ပြောဆိုတာက နောက်ပိုင်းမှာ ဆိုးကျိုးအရမ်းများပါတယ်။ အထူးသဖြင့် မြန်မာမိဘတွေသတိထားရမယ့်အရာပါ။ စိတ်အလိုမကျတာနဲ့ ကလေးငယ်လေးတွေကိုအော်လိုက်ခြင်းကနေ ပြင်းထန်တဲ့ကျန်းမာရေးနောက်ဆက်တွဲပြသနာတွေဖြစ်လာနိုင်ပါတယ်။
၁။ ဦးနှောက်ကိုထိခိုက်တာ
ဦးနှောက်အတွင်းမှာရှိတဲ့ neurotransmittersတွေဟာ သာယာပျော်ရွှင်ဖွယ်အချိန်ဖြစ်နေတဲ့အခါ ကိုယ့်ကိုကိုယ်လုံခြုံတယ်ဆိုတာသတိပေးတဲ့ biochemicals တွေထုတ်လွှတ်ပါတယ်။ အဲအရာနဲ့ဆန့်ကျင်ဘက်ကတော့ ဆူဆူညံညံအနေအထားမျိုးဆို ကြောက်လန့်တာ၊ အသင့်အနေအထားပြင်စေတဲ့ biochemicals တွေထုတ်လွှတ်မှာပါ။ ဒါ့အတွက်ကြောင့် ကလေးငယ်လေးတွေကိုမကြာခဏဆူတိုင်း သူတို့ရဲ့ဦးနှောက်ကို မကြာခဏအလုပ်ပေးသလိုဖြစ်ပြီး ထိခိုက်စေပါတယ်။
၂။ ဆုံးမချင်တဲ့အရာခေါင်းထဲမရောက်တာ
သင်အော်ပြောပြီး ဆူနေတဲ့အချိန် သင်ပြောချင်တာကို ကလေးက မှတ်ထားမှာမဟုတ်ပါဘူး။ သင်ပြောချင်တာခေါင်းထဲရောက်မယ့်အစား သူတို့စိတ်ထဲမှာ ကြောက်လန့်တာ၊ ဝမ်းနည်းတာတွေကပဲ ကြီးစိုးနေမှာပါ။
၃။ လူကြောက်သွားပါလိမ့်မယ်
သင်အော်နေတဲ့အချိန် သင့်မျက်နှာဟာ ဘယ်လောက်ကြောက်ဖို့ကောင်းတယ်ဆိုတာ သင်ကိုယ်တိုင်မသိနိုင်ပါဘူး။ ဒါကြောင့် ကလေးငယ်လေးတွေအနေနဲ့ လူကြီးတွေနဲ့စကားပြောရမှာကြောက်တာ၊ သွက်သွက်လက်လက်မရှိတော့တာ၊ နောက်ဆုံးစိတ်ပိုင်းဆိုင်ရာဝေဒနာတွေအထိဖြစ်လာနိုင်ပါတယ်။
၄။ သင့်လိုတစ်နေ့ဖြစ်လာမှာ
ကိစ္စတစ်ခုခုကို အော်ငေါက်တာနဲ့အဆုံးသတ်နေမိရင်တော့ သင့်ကလေးဟာလည်း အနာဂတ်မှာ အော်ငေါက်တတ်ပြီး ဒေါသထွက်လွယ်တဲ့လူတစ်ယောက်ဖြစ်လာနိုင်ပါတယ်။
၅။ ကလေးနဲ့သင်ရဲ့ကြားယုံကြည်မှုပျောက်ဆုံးတာ
တစ်ခုခုဆို သင်ကအော်နေတော့ သူ့အနေနဲ့သင့်ကို အရာအားလုံးလာမပြောရဲတော့ပါဘူး။ သင့်အပေါ် သူယုံကြည်မှူပျောက်ဆုံးသွားတာဖြစ်နိုင်သလို၊ အအော်ခံရမှာပဲဆိုတဲ့အတွေးနဲ့ပဲ မပြောဖြစ်တော့တာလဲဖြစ်နိုင်ပါတယ်။
သတင်း အရင်းအမြစ်៖ Cracked
Bong I.T