ကြက်ဖကို Rapper တွေတော်တော်များကြိုက်နှစ်သက်ခဲ့ကြပါတယ်။ ဒါပေ့မယ့် သူကို အနုပညာ လောကမှာ မတွေ့ခဲ့တာ တော်တော်ကိုကြာပါပြီ။ အနုပညာ လောက က လူတော်တော်များများ နစ်ဘူးခဲ့တဲ့ မူးယစ်နွံထဲက လွတ်မြောက်ခဲ့တဲ့ အဆိုတော်ကြက်ဖဟာ သူ့မိခင်ကို ယခုလိုကျေးဇူးတင်စကားဆိုခဲ့ပါတယ်။
ကျွန်တော် လွန်ခဲ့တဲ့၅နှစ်လုံးလုံး အမေ့ကိုရက်စက်ခဲ့မိတယ်ဗျာ။ ဘယ်လိုလဲဆိုတာတော့ ရုန်းထွက်ရခက်ခဲတဲ့ နွံအိုင်သေးသေးလေးတစ်ခုတည်းနဲ့တဲ့ဗျာ။ နေ့တိုင်း ညတိုင်းအမေ အမုန်းခံပြီး ကျွန်တော့်ကို လာဆူတယ် နစ်မသွားအောင်ပေါ့။ အမေ့ရဲ့ဆုတောင်းကောင်းမှုကြောင့်ရော ကျွန်တော်အသ်ိစောတာရောကြောင့် မူးယစ်သားကောင်ဘဝက ရုန်းထွက်လာနိုင်ခဲ့တာ ၃လကျော်လာပါပြီ။
ကျန်းမာရေးကတော့ ထူထောင်ဆဲပါပဲ။ ဆိုးခဲ့မိုက်ခဲ့သမျှတွေအတွက်အတိုးချပြီး နေ့တိုင်းနေ့တိုင်း အမေပျော်အောင် စကားပြောတာကအစ လိုအပ်ရင် ပြောင်ပါပြောင်ပြတာများတယ်။ သူ့ခမျာလဲစိတ်ညစ်ခဲ့တဲ့အရှိန်မသေလို့ တခါတလေ အသံမာလာတာနဲ့တပြိုင်နက် ကျွန်တော်မျောက်ဂျွမ်းထိုးသင့်ရင်ထိုးပြမှာပဲ။ သူသတိဝင်လာပြီး အမလေး ငါ့သားလေး တော်သေးတယ် ရူးသွားတော့မလို့ ဆိုပြီးပြောရင် ကျွန်တော် ကျေနပ်တယ်။ထပ်ပြောင်ပြတယ်။
သားအမိ၂ယောက်လုံး အရှင်လတ်လတ်ငရဲကနေလွတ်လာခဲ့ပြီလေ။ ကျွန်တော်တို့ သားအမိ ဘာတွေဖြစ်ခဲ့ကြတယ်ဆိုတာ ကျွန်တော်တို့ပဲသိတယ်။ ဆိုလိုချင်တာက မိဘစကားကိုမြေဝယ်မကျနားထောင်ကြပါဗျာ။ ကျွန်တော်ကိုယ်တိုင် ငရဲကလွတ်လာလို့ ပြောပြချင်တာပါ။ ပြောမနိုင်အောင်ဆိုးခဲ့ကြလို့ သူတို့ဘက်ကလက်လျှော့သွားရင်လဲ ပြန်ကြိုးစားကြရအောင်။ ခုပုံတွေက ရိုက်ထားတာနည်းနည်းကြာပါပြီ။ ကျွန်တော်ယတိပြတ် မလိမ္မာသေးခင်ကပါ။ အမေပြောနေကျစကားတစ်ခုရှိတယ်။
မိုက်တာနဲ့ လိမ္မာတာက ပြောင်းပစ်ဖို့ လွယ်လွယ်လေးပါတဲ့။ လက်၀ါးလေးထောင်ပြပြီး ဆက်ပြောတယ် လက်ဖဝါးကနေ လက်ဖမိုးလေးပြောင်းလိုက်ရုံပဲတဲ့(ဆတ်ခနဲလှည့်ပြရင်းပြောတယ်)
ဒီမှာလေတဲ့ ဒီလိုလေးလုပ်လိုက်ရုံပဲတဲ့။
ကျွန်တော်တို့ သက်ရှိတွေပဲဗျာ ...
ဘာလို့ ကိုယ်နဲ့ကိုယ့်မိသားစုကို နှိပ်စက်နေတဲ့ ဒီသက်မဲ့တွေကို အရှုံးပေးကြရမှာလဲ။ ။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။