Comic တစ်ခုကိုအခြေခံထားပြီး Amazon ရဲ့ Prime Video ကလက်ရှိထုတ်လွှင့်နေတဲ့ The Boys ဇာတ်လမ်းတွဲကိုတော့ စူပါဟီးရိုးပရိသတ်ဆိုရင် မကြိုက်သူရှိမှာမဟုတ်ပါဘူး။
စူပါဟီးရိုးဇာတ်လမ်းကိုမှ တခြားဇာတ်လမ်းတွေနဲ့မတူပဲ သွေးသံရဲရဲ R-rated နဲ့ပြထားလို့ လူတွေကိုကယ်တင်တဲ့ စူပါဟီးရိုးတွေကို မြင်ရမှာမဟုတ်ပဲ နည်းမျိုးစုံနဲ့ဒုက္ခပေးနေတဲ့ စူပါဟီးရိုးတွေကိုပဲ မြင်ရမှာပါ။Season 1 နဲ့ 2 နှစ်ခုထွက်ရှိထားပြီး ဒီနေ့ ဂျွန်လ ၃ ရက်နေ့မှာ Season 3 စတင်ထွက်ရှိမှာဖြစ်ပါတယ်။
Season 1 နဲ့ 2 ထဲကသရုပ်ဆောင်တွေအများကြီးနဲ့အတူ Super Natural မင်းသား Jesen Ackles ကလည်း Soldier Boy အဖြစ်ပါဝင်လာမဲ့ Season 3 ဟာ အရင်နှစ်ခုထက်အများကြီးပိုကြမ်းလာမှာပါ။Trailer တွေကြည့်ရတာနဲ့တင် လုံးဝမထင်မှတ်ထားတဲ့ဇာတ်ကွက်တွေပါလာပြီး ကြည့်ရတာအရမ်းအားရစရာကောင်းနေမှာသေချာပါတယ်။Character Development တွေလည်း တော်တော်များများတွေ့ရမယ်လို့ ခန့်မှန်းရပါတယ်။
Season 3 မှာစုစုပေါင်း Episode ရှစ်ခုပါဝင်မှာဖြစ်ပြီး Episode 1 ကနေ 3 ထိကို မြန်မာစံတော်ချိန် ဂျွန်လ ၃ ရက်နေ့ နေ့လည်တစ်နာရီခွဲမှာ စကြည့်နိုင်ပါပြီ။ကျန်တဲ့ Episode ၅ ခုကိုတော့ အပတ်စဥ်တစ်ပိုင်းစီ ထုတ်လွှင့်ပြသသွားမှာဖြစ်ပြီး ဂျူလိုင်လ ၁ ရက်နေ့မှာ Episode တွေအားလုံးပြသပြီးစီးမှာဖြစ်ပါတယ်။