ဒီကနေ့ကျရောက်တဲ့ မွေးနေ့မှာ ပရိတ်သတ်အတွက် သီချင်းတစ်ပုဒ် ဖန်တီးထုတ်လုပ်လာတဲ့ အဆိုတော် ဟန်ထူးလွင်

ထိမိတဲ့ သီချင်း စာသား တွေနဲ့ အမိုက်စား တေးသီချင်းတွေကို ဖန်တီးလေ့ရှိပြီး လူလတ်ပိုင်းပရိတ်သတ်မှစလို့ လူငယ်ပရိတ်တွေအထိပါ အားပေးချစ်ခင်ကြတဲ့ အနုပညာရှင်တစ်ဦးလို့ဆိုလာရင်တော့ ကျားပေါက်လို့ လူသိများတဲ့ အဆိုတော် ဟန်ထူးလွင် ကိုပဲ ဖော်ပြရမှာဖြစ်ပါတယ်။

ကိုကျားပေါက် ဟာ တေးသီချင်းကောင်းများစွာကို ဖန်တီးသီဆိုခဲ့ပြီး သူ့ရဲ့ သီချင်းတိုင်းဟာ ပရိတ်သတ်တွေရဲ့ ခံစားချက်တွေနဲ့ထပ်တူကျခဲ့တဲ့အတွက် အားပေးမှုကို အပြည့်အဝရရှိထားတဲ့အဆိုတော်တစ်ဦးဖြစ်ပါတယ်။

ကိုကျားပေါက် ဟာ ဒီကနေ့မှာ အသက်(၃၉) နှစ်ပြည့်သွားခဲ့ပြီဖြစ်ပြီး မွေးနေ့အထိမ်းအမှတ်အဖြစ် ပရိတ်သတ်အတွက် "သောကပင်လယ်" လို့အမည်ရတဲ့ သီချင်းတစ်ပုဒ်ကို ဖန်တီးထုတ်လုပ်ခဲ့ပါတယ်။ အမိုက်စားဖန်တီးထားတဲ့ သီချင်းကို ပရိတ်သတ်များ ခံစားကြည့်ရှုနိုင်စေရန် ဖော်ပြလိုက်ရပါတယ်။