Korea Next Top Model ပြိုင်ပွဲကနေ မော်ဒယ်တစ်ယောက်အဖြစ် နာမည်ကြီးလာသူလေးကတော့ ဂျန်ဟိုယွန်ပဲ ဖြစ်ပါတယ်။ သူမဟာ အမေရိကားအပါအဝင် ဒိတ်ဒိတ်ကြဲ နိုင်ငံတွေရဲ့ ဖက်ရှင်ရှိုးပေါင်းများစွာမှာ ပွဲလည်တင့်ခဲ့တဲ့ ကိုရီးယားမော်ဒယ်တစ်ယောက်ပါ။
Squid Game ဆိုတဲ့ ကိုရီးယား အက်ရှင်ဇာတ်လမ်းတွဲမှာ ပါဝင်သရုပ်ဆောင်ပြီးနောက်မှာတော့ ဂျန်ဟိုယွန့်ရဲ့ ဂုဏ်သတင်းဟာ ပိုပြီး ကျော်စောလာပါတော့တယ်။
Squid Game အဖွဲ့သားတွေနဲ့အတူတူ ဂျန်ဟိုယွန်ကိုယ်တိုင်လည်း ဟောလိဝုဒ်ပရိသတ်တွေကြားမှာပါ နေရာရလာပါတယ်။
အခုဆိုရင် နာမည်ကြီး ကနေဒါလူမျိုး အဆိုတော် The Weekend နဲ့တောင် တွဲပြီး Music video ရိုက်နေပါပြီ။
The Weekend က သူ့ရဲ့ အသစ်ထွက်မဲ့ အဲဒီ ဗီဒီယိုလေးရဲ့ ဓာတ်ပုံအချို့ကို အင်စတာဂရမ်မှာ တင်ခဲ့တာ ဖြစ်ပါတယ်။ သီချင်းနာမည်က Out of Time လို့ သိရပါတယ်။
ဓာတ်ပုံထဲမှာ သူတို့ ၂ ယောက်ဟာ ဓာတ်လှေကားထဲ အကြည်ဆိုက်နေတဲ့ ပုံလေး မြင်ရပါတယ်။
အဲဒီပုံကို ဂျန်ဟိုယွန်လည်း ပြန် share ထားပါသေးတယ်။Music Video ထွက်လာရင် ဘယ်လို မြင်ရမလဲဆိုတာ စိတ်ဝင်စားစရာပါပဲနော်။
Ref : https://www.soompi.com/article/1520113wpp/the-weeknd-gives-sneak-peek-of-his-new-music-video-starring-squid-game-star-jung-ho-yeon