မင်္ဂလာလက်ထပ်ပွဲအခမ်းအနားကို ၁၀ ရက်တိုင် ကျင်းပ​သွားမယ့် ဘရူနိုင်း တော်ဝင်မင်းသမီး Fadzilah

ဘရူနိုင်းဘုရင်ရဲ့ သမီး​တော် မင်းသမီး Fadzilah ဟာ ပြီးခဲ့တဲ့ ဇန်နဝါရီလ ၁၆ ရက်နေ့က မင်္ဂလာအခမ်းအနားကိုစတင် ကျင်းပနေပြီလို့ သိရပါတယ်။ သူမရဲ့ မင်္ဂလာပွဲကို ဇန်နဝါရီလ ၁၆ ရက်မှ ၂၅ ရက်နေ့အထိ (၁၀) ရက်တာ ကျင်းပဖို့လည်း စီစဉ်ထားပါတယ်။ မင်းသမီးရဲ့ တော်ဝင်အခမ်းအနားကို ပထမနေ့မှာ ဖွင့်ပွဲစတင်ခဲ့ပြီး (၁၀) ရက်အတွင်း ဖွင့်ပွဲ အခမ်းအနား ၊ တော်ဝင်မင်္ဂလာ ဧည့်ခံပွဲ နဲ့ ပိတ်ပွဲ အခမ်းအနားအပြင် ဘုရင့်မင်္ဂလာ ဧည့်ခံပွဲ တွေကိုလည်း ခမ်းခမ်းနားနား ကျင်းပသွားမှာ ဖြစ်ပါတယ်။

အသက် ၃၆ နှစ်ရှိ မင်းသမီး Fadzilah ဟာ မြင်းစီးအားကစားမှာ ကျွမ်းကျင်သူ ဖြစ်ပါတယ်။ Kingston University ကနေလည်း နိုင်ငံတကာ ဘာသာရပ်နဲ့ ၂၀၀၈ခုနှစ်မှာ ဘွဲ့ရရှိခဲ့တာဖြစ်ပြီး ၂၀၁၅ ခုနှစ်မှာ Hult International Business School မှ စီးပွားရေးစီမံခန့်ခွဲမှု မဟာဘွဲ့ကို ရရှိခဲ့ပါတယ်။

သူမရဲ့ ခမည်း​တော်ဖြစ်သူ Brunei Sultan Hassanal Bolkiah ဟာ ၁၉၆၇ မှာနန်းတက်ခဲ့ပြီး အဲလိဇဘက် ဘုရင်မကြီး ပြီးနောက် ကမ္ဘာပေါ်မှာ ဒုတိယ နန်းသက်အရှည်ဆုံး ဖြစ်တဲ့ ဘုရင်တစ်ပါးပဲ ဖြစ်ပါတယ်။ ဒါ့အပြင် အချမ်းသာဆုံး တော်ဝင်စာရင်းတွေထဲမှာလည်း သူတို့ပိုင်ဆိုင်မှုဟာ အမေရိကန်ဒေါ်လာ ၂၈ ဘီလီယံရှိတယ်လို့ သိရပါတယ်။

သတင်း အရင်းအမြစ်៖ Source - Scmp.com