ဒီတစ်ခေါက် ကိုဗစ်ဟာ ကလေးငယ်တွေကို ပိုထိခိုက်နိုင်

နိုင်ငံတော်တော်များများမှာ အိုမီခရွန်မျိုးကွဲ​ ကူးစက်ခံရတဲ့ ကလေးငယ်အရေအတွက် များလာပါတယ်။ အမေရိကန်နဲ့ အင်္ဂလန်နိုင်ငံတွေမှာ ကိုဗစ်ကြောင့် ဆေးရုံတက်ရတဲ့ ကလေးတွေ အရင်ထက် ၅ ဆ လောက် ပိုများလာပါတယ်။

အရင် မျိုးကွဲတွေတုန်းက ကိုဗစ်ဟာ ကလေးတွေအပေါ် သိပ်ထိခိုက်မှု မရှိခဲ့ပါဘူး။ ဒါပေမဲ့ အိုမီခရွန်ကျမှ အရမ်းကူးစက်လွယ်တာကြောင့် ကလေးတွေကိုပါ အလွတ်မပေးတော့တာပါ။ ဒါ့အပြင် အရင် ဒယ်လ်တာနဲ့ မတူတဲ့အချက်က အိုမီခရွန်ဟာ လေပြွန်အပေါ်ပိုင်းမှာ ဒုက္ခပေးတာဖြစ်တဲ့အတွက် လူကြီးနဲ့ ယှဥ်ရင် အင်မတန်သေးငယ်တဲ့ ကလေးလေးတွေရဲ့ လေပြွန်ကို သွား ပိတ်စေပါတယ်။

ကာကွယ်ဆေးကလည်း အရေးကြီးပါတယ်။ အမေရိကန်နိုင်ငံမှာတောင် ၅ နှစ်အောက် ကလေးငယ်တွေအတွက် ကိုဗစ်ကာကွယ်ဆေး မရှိသေးပါ။ အသက် ၅-၁၁ နှစ်အတွင်း ကလေးတွေမှာ ၁၈ % သာ ကာကွယ်ဆေး ထိုးရပါသေးတယ်။ ဘာပဲဖြစ်ဖြစ် ဒီတစ်ခေါက် အိုမီဟာ ကလေးတွေအပေါ် မသက်ညှာတာ အမှန်ပါပဲ။

Ref : Economist magazine