နယူးဇီလန်က အသက် ၄ နှစ်အရွယ် ကောင်လေးတစ်ယောက်ဟာ ရဲစခန်းကို အရေးပေါ်ဖုန်း ဆက်ခဲ့ပြီး သူ့ဆီကို အရုပ်တွေ လာကြည့်ဖို့ခေါ်ဆိုခဲ့ပါတယ်။ သူခေါ်ဆိုရတဲ့အကြောင်းကလည်း သူ့ရဲ့အရုပ်တွေဟာ မိုက်မမိုက်၊ ကောင်းမကောင်း၊ လှမလှ အတည်ပြုစေချင်လို့ ဖုန်းဆက်ခေါ်ခဲ့တာပါ။ ရဲတွေလည်း သွားရောက်ခဲ့ပြီး သူရဲ့အရုပ်တွေဟာ တကယ်ကို မိုက်ကြောင်း လှကြောင်းစသဖြင့် အတည်ပြုခဲ့ကြပါတယ်။ ဒီအတည်ပြုချက်ကလည်း ကလေးတစ်ယောက်အတွက်တော့ အရေးပေါ်ပါပဲ။
ကလေးတွေအနေနဲ့ သူတို့အရုပ်က မိုက်မှ ကောင်းမှ ကျေနပ်တက်ကြတာပါ။ ရဲတွေကလည်း ကလေးလေးနဲ့ ပြောခဲ့တဲ့ အသံဖိုင်ကို Social Media ပေါ်မှာ ပြန်လည်မျှဝေပေးခဲ့ပြီး ကလေးလေးနဲ့လည်းအတူတူ ဓာတ်ပုံရိုက်ခဲ့ကြပါသေးတယ်။ ဖုန်းစစခေါ်ချင်းမှာ ၄ နှစ်အရွယ် ကလေးလေးဟာ ရဲမေတစ်ေယာက်နဲ့ ဖုန်းပြောနေခဲ့တာဖြစ်ပြီး အရုပ်တွေကို လာကြည့်ပေးဖို့ဆိုတာကို တခြားအရာရှိတစ်ဦးက ဖုန်းမှားနေတာဖြစ်နိုင်ကြောင်းနဲ့ သူ့အမေနေမကောင်းလို့ လှမ်းပြီးခေါ်ဆိုနိုင်တာဖြစ်ကြောင်း ပြောခဲ့ပါတယ်။
အဲ့နောက်ရဲတစ်ယောက်က လိပ်စာတောင်းပြီး ကလေးလေး နေအိမ်ဆိကို လာရောက်ခဲ့ကြပါတယ်။ ကလေးလေးအိမ်ကုိ ရောက်ရှိခဲ့တဲ့ ရဲအရာရှိဟာ Constable Kurt ဖြစ်ပြီး သူရောက်ရောက်ချင်းမှာပဲ ကလေးလေးက သူ့ကို အရုပ်တွေကိုလိုက်ပြသခဲ့ကြောင်း ဌာနကိုပြန်ရောက်တဲ့အချိန်မှာ သတင်းပို့ခဲ့ပါတယ်။ နယူးဇီလန်မှာ အရေးပေါ်ဖုန်းနံပါတ်က 111 ဖြစ်ပါတယ်။
သတင်း အရင်းအမြစ်៖ Click on Detroit