လူရွှင်တော် မိုးစက်ကတော့ ယခုတလောမှာ ပရိသတ်တွေ လေးစားချစ်ရတဲ့ အနုပညာရှင်တစ်ယောက် ဖြစ်လာခဲ့ပြီဖြစ်ပါတယ်။ မိုးစက်ဟာ နိုင်ငံရေးအခြေအနေနဲ့ ကိုဗစ်ရောဂါကူးစက်မှုဖြစ်ပေါ်နေတဲ့ အချိန်ကာလတွေမှာ အကြောင်းအမျိုးမျိုးကြောင့် စားဝတ်နေရေးအတွက် အခက်အခဲဖြစ်နေတဲ့ မိသားစုတွေကို တစ်ဖက်တစ်လမ်းကနေ ကူညီလှူဒါန်းပေးပြီး စိတ်ရောကိုယ်ပါ လုပ်ဆောင်ပေးနေတာ ဖြစ်ပါတယ်။
သူပြုလုပ်ခဲ့တဲ့ ကုသိုလ်ကောင်းမှုတွေကိုလည်း ပရိသတ်တွေ ထပ်တူသာဓုခေါ်နိုင်အောင် အမြဲဖော်ပြလေ့ရှိပါတယ်။ ယခုမှာလည်း လူရွှင်တော် မိုးစက်က (၇)ရက်သားသမီးတွေရဲ့ စုပေါင်းကုသိုလ်တွေနဲ့ အတူ မွန်မြတ်လှတဲ့ အလှူလေးတစ်ခုကို ထပ်မံပြုလုပ် ပေးခဲ့ပါတယ်။ ဒါကတော့ ဝမ်းရေးအတွက် တံမြက်စည်းရောင်းနေရတဲ့ အသက် (၉၀) အဘွားအိုကြီးအား သနားသောအားဖြင့် အလှူငွေသွားရောက် လှူဒါန်းပေးခဲ့တာ ဖြစ်ပါတယ်။
ဒါ့အပြင် အဘွားအိုကြီး အဖြစ်လေးကိုလည်း စိတ်မကောင်းစွာ ပြောပြထားပြီး အဘွားရဲ့တံမြက်စည်းလေးတွေ အားပေးချင်တယ်ဆိုရင် စံပြစျေးအနီး ၊ လေးထောင့်ကန် (၇)လမ်းထဲ သွားရောက် အားပေးနိုင်ကြောင်းလည်း ဆိုထားပါသေးတယ်။ ကျန်းမာရေး ချို့တဲ့နေတဲ့ သမီးဖြစ်သူကို တံမြက်စည်းရောင်းကာ ဝမ်းစာရှာဖွေကျွေးနေတဲ့ အဘွားအိုကို ယခုလို တစ်ဖက်တစ်လမ်းကနေ ကူညီပေးတာကတော့ တကယ့်ကို မွန်မြတ်လှပါတယ်။
သတင်း အရင်းအမြစ်៖ Source - MoeSat fb account