အနုပညာလောကမှာ အခိုင်အမာရပ်တည်ထားနိုင်ခဲ့တဲ့ ထူးခန့်ကျော်ကတော့ လက်ရှိမှာ သူတတ်မြောက်ထားတဲ့ မြန်မာ့တိုင်းရင်းဆေးပညာတွေနဲ့ (၇)ရက်သားသမီးများ၏ ထုံ၊ကျင်၊ ကိုက်ခဲ နေသောရောဂါဝေဒနာများကို ကုသပေးနေသူတစ်ယောက်ပဲ ဖြစ်ပါတယ်။ သူကုသပေးတဲ့ လူနာတွေကလည်း ရောဂါသိသိသာသာ ပျောက်ကင်းသက်သာသွားတာကြောင့် နေ့စဥ် လာရောက်ကုသသူတွေ များနေတာကို တွေ့ရပါတယ်။
လေးစားစရာကတော့ ရတနာသုံးပါးအား အမြဲဦးထိပ်ပန်ဆင်ကန်တော့တဲ့ ထူးခန့်ကျော်ဟာ ဆေးလာရောက်ကုသသူတွေကို စေတနာ ၊ မေတ္တာအရင်းခံပြီး ငွေကြေးတောင်းခံခြင်းမရှိဘဲ အခမဲ့ ကုသပေးနေတာ ဖြစ်ပါတယ်။ ဒီလို ကုသပေးနေရင်းနဲ့လည်း အချောင်းသမားတချို့ လူလိမ်များက သူ့ရဲ့ နာမည်ကို အလွဲသုံးစားလုပ်ပြီး အလှူငွေများလိုက်လံ တောင်းခံခြင်းများ ရှိလာခဲ့ပါတယ်။
ဒီအကြောင်းကို ကြားသိရတဲ့ ထူးခန့်ကျော်ကတော့ သူ့ရဲ့နာမည်အား အလွဲသုံးစားလုပ်နေတဲ့ အချောင်းသမားတွေကို လူမှုကွန်ယက်ပေါ်မှာ ပြတ်ပြတ်သားသား ပြောလာတာ တွေ့ရပါတယ်။ ထူးခန့်ကျော်ဟာ ယနေ့အချိန်ထိ မည်သူ တစ်ဦးတစ်ယောက်ဆီကမှ အလှူငွေတောင်းခံခြင်းမရှိဘဲ လူနာတွေကို စေတနာ၊ မေတ္တာအရင်းခံပြီး ကုသပေးနေတာ ဖြစ်ပါတယ်။
သတင်း အရင်းအမြစ်៖ Source - Htoo Khant Kyaw