နွေဦးတော်လှန်ရေးမှာ ကျဆုံးသွားတဲ့ သူရဲကောင်းလေးတွေအတွက် ရင်ထဲက စကာလေးတစ်ခွန်းကို စိတ်မကောင်းစွာ ပြောလိုက်တဲ့ အဆိုတော် G Fatt

နှုတ်ခမ်းနီမလေးတွေရဲ့ အသည်းကျော် အဆိုတော် G-Fatt တော့ လူငယ်ကြိုက် တေးသီချင်း ကောင်းများစွာကို ကိုယ်တိုင် ရေးသား သီဆိုပြီး အောင်မြင်တဲ့အဆိုတော် တစ်ယောက် အဖြစ်ဆုတံဆိပ်ပေါင်း များစွာကိုလည်း ရရှိထားသူပါ။ “ပြည်ပသို့ ပေးစာ” သီချင်းနဲ့ ပရိသတ်တွေရဲ့ တစ်ခဲနက်အားပေးမှုတွေကို စတင်ရရှိခဲ့ပြီး G-Fatt ရဲ့ တစ်မူထူးခြားတဲ့ အသံကြောင့် ပရိသတ်တွေရဲ့ ပိုသတိထား အားပေးမှုတွေကို ရရှိခဲ့တယ်လို့ ဆိုရမှာပါ.။

G Fatt က မြန်မာနိုင်ငံမှာ ကိုဗစ်တွေ ပျံ့ပွားလာတဲ့အချိန်တုန်းကလည်း တခြားအနုပညာရှင်တွေနဲ့မတူဘဲ PPE ဝတ်ဆင်ကာလူနာတွေဆီကို ကိုယ်တိုင်ကိုယ်ကျ အောက်ဆီဂျင်လိုက်ဖြည့်ပေးနေတဲ့ စေတနာဝန်ထမ်းလေးလဲ ပြုလုပ်ခဲ့ပါသေးတယ်။ ဒါကြောင့် စိတ်ထားကောင်းတဲ့ G Fatt ကို သူ့ပရိသတ်တွေက အားပေးရကျိူးနပ်တယ်ဆိုပြီး ကိုချီးကျူးနေကြတာပဲ ဖြစ်ပါတယ်။

ဒါ့အပြင် နွေဦးတော်လှန်ရေး မှာလည်း ပြည်သူတွေနဲ့တစ်သားတည်း ရပ်တည်ခဲ့တဲ့ အနုပညာရှင်တစ်ယောက်ပဲ ဖြစ်ပါတယ်။နေ့စဉ်လမ်းပေါ်ထွက်ပြီးဆန္ဒထုတ်ဖော်ခဲ့ပြီး လူမှုကွန်ယက်တွင်လည်း လက်ရှိအခြေအနေတွေနဲ့ ပတ်သက်ပြီး သူ့ရဲ့ထင်မြင်ယူဆချက်တွေကို ဝေမျှခဲ့တဲ့အတွက် ပုဒ်မ၅၀၅(က) ဖြင့် တရားစွဲဆိုအရေးယူခံထားရတာ ဖြစ်ပါတယ်။ ဒါ့ကြောင့် ဘေးကင်းရာနေရာသို့ ခေတ္တခဏ တိမ်းရှောင်နေရတာလည်းဖြစ်ပါတယ်။

အောက်တိုဘာလ ၁၈ ရက်နေ့ မနေ့က ပုဒ်မ (၅၀၅ က)နဲ့ အမှုဖွင့်ခံရတဲ့ အနုပညာရှင်တချို့ကို အမှုပိတ်သိမ်းကြောင်း ထုတ်ပြန်ခဲ့ပါတယ်။ ပြန်လည်လွတ်မြောက်လာခဲ့တဲ့ အတွက်လည်း လူတော်တော်များများက ဝမ်းသာပျော်ရွှင်နေကြတာလည်း ဖြစ်ပါတယ်။ ဒီကြောင်းနဲ့ပတ်သတ်ပြီး G Fatt ကတော့ နွေဦးတော်လှန်ရေးမှာ ကျဆုံးသွားတဲ့ သူရဲကောင်းလေးတွေကတော့ ပြန်မလာနိုင်တော့ဘူးဆိုပြီး စိတ်မကောင်းစွာ ပြောထားတာဖြစ်ပါတယ်။

“အိမ်ပြန်သွားနိုင်တဲ့သူတွေထဲမှာ သူတို့လေးတွေမပါခဲ့ဘူး” ဆိုပြီး သူ့ရဲ့ လူမှုကွန်ယက်မှာ ရေးသားခဲ့တာပဲ ဖြစ်ပါတယ်။ ပရိသတ်တွေအတွက် G Fatt ရေးသားထားတဲ့ စာလေးကို ပြန်လည်မျှဝေပေးလိုက်ရပါတယ်။

Source : G Fatt's Facebook Acc