ယနေ့ အောက်တိုဘာ(၁၉)ရက်နေ့ မနက်(၁၀)နာရီ (၁၇)မိနစ်ခန့် က မြောက်ကိုးရီးယားနိုင်ငံဟာ ဂျပန်နိုင်ငံရဲ့ ရေပိုင်နက်ထဲကို ဒုံးကျည်ပစ်လွှတ်ခဲ့တယ်လို့ ကြားသိရပါတယ်။ပစ်လွှတ်ခဲ့တဲ့ ဒုံးကျည်အရေအတွက်ဟာ နှစ်စင်းဖြစ်တယ်လို့လည်း ဂျပန်နိုင်ငံကပြောကြားလာပါတယ်။
ယင်း ဒုံးကျည်နှစ်စင်း ဟာ တောင်ကိုးရီးယားနိုင်ငံကိုကျော်လွန်ကာ ဂျပန်နိုင်ငံရဲ့ ရေပိုင်နက်ပင်လယ်ထဲအထိ ပစ်လွှတ်ခဲ့တယ်လို့လည်းဆိုပါတယ်။မြောက်ကိုးရီးယားနိုင်ငံဟာ ပြီဂခဲ့တဲ့ စက်တင်ဘာလမှာလည်း တာဝေးဒုံးကျည်ပစ်လွှတ်ခဲ့ပြီးနောက် ဂျပန်တစ်နိုင်ငံလုံးအထိ ထိခိုက်ပျက်စီးစေနိုင်တဲ့ တာတိုပစ်ပဲ့ထိန်းဒုံးကျည်နှင့် အသံထက်လျင်မြန်တဲ့ဒုံးကျည်များကိုလည်းဆက်တိုက်ဆိုသလို (၄)ကြိမ်အထိ ပစ်လွှတ်ခဲ့ပါတယ်။
လက်ရှိ မနက် ဂျပန်နိုင်ငံကိုပစ်လွှတ်ခဲ့တဲ့ ဒုံးကျည်ကြောင့်ဖြစ်ပေါ်ခဲ့ရတဲ့ အပျက်အစီးများကို ဂျပန်နိုင်ငံဝန်ကြီးချုပ် Kishida က စစ်ဆေးနေကြောင်းပြောကြားလာခဲ့ပါတယ်။ဂျပန်ကမ်းခြေစောင့်တပ်များမှလည်း မြောက်ကိုးရီးယားနိုင်ငံမှ ဒုံးကျည်ပစ်လွှတ်ခဲ့သည်ကို တွေ့ရှိခဲ့ရကြောင်းဆိုလာခဲ့ပါတယ်။ဂျပန် ကမ်းခြေစောင့်တပ်များမှ မြောက်ကိုးရီးယားဒုံးကျည်ကျရာနေရာကို မသွားကြရန် သင်္ဘော များကိုတားမြစ်ထားခဲ့ပြီး တစ်စုံတစ်ခုကျရောက်လာသည်ကိုတွေ့ရှိပါက အနားကိုမကပ်ရန်နှ၍့် ကမ်းခြေစောင့်တပ်များအားအသိပေးရန် သတင်းထုတ်ပြန်ထားကြောင်းသိရပါတယ်။