အိမ်ခြေ( ၂၀၀ )အတွက် အခြေခံစားသောက်ကုန်များကို လှူဒါန်းပေးခဲ့တဲ့ ပရဟိမင်းသမီး ခိုင်နှင်းဝေ

ပရဟိတ မင်းသမီးတစ်ဦးဖြစ်တဲ့ ခိုင်နှင်းဝေကတော့ ပရဟိတအလုပ်တွေကို နေ့စဥ်မပြတ်လုပ်ကိုင်နေသလို အလှုရေစက် လက်နဲ့မကွာလို့ ပြောလို့ရသည်အထိ အမြဲတမ်းဒုက္ခရောက်နေတဲ့သူတွေကို ကူညီပေးနေသူ တစ်ဦးလည်း ဖြစ်ပါတယ်။

ပရဟိတ မင်းသမီးခိုင်နှင်းဝေဟာ ယခုလက်ရှိမှာ ခိုင်နှင်းဝေရင်သွေးလေးများဂေဟာကို ထူထောင်ထားတဲ့အပြင် မွေးရာပါရောဂါများပါလာတဲ့ ကလေးလေးများကိုလည်း ဆေးကုသစာရိတ် အကုန်အကျခံကာ ခံစားနေရတဲ့ဝေဒနာများသက်သာလာအောင် ကူညီပေးနေသူတစ်ဦးလည်းဖြစ်ပါတယ်။

သူမဟာ ခိုကိုးရာမဲ့ကလေးလေးတွေကိုလည်း မိခင်လိုအရိပ်ရောဖခင်လိုအရိပ်ပါ နွေးထွေးမှုတွေနဲ့ ဂရုစိုက်ပေးနေသလို တစ်ဖက်မှာလည်း မပြေလည်တဲ့ အိမ်ထောင်စုများကိုလည်း တတ်နိုင်သလောက် လှူဒါန်းပေးနေသူတစ်ဦးလည်း ဖြစ်ပါတယ်။

ဒီတစ်ခေါက်မှာဆိုလည်း ပရဟိတ မင်းသမီးခိုင်နှင်းဝေဟာ မိုးတွေရွာနေပေမဲ့လည်း အလှူမပျက်ချင်တာကြောင့် ကိုယ်တိုင်ကိုယ်ကျ အိမ်ခြေ ၂၀၀ အတွက် အခြေခံစားသောက်ကုန်များဖြစ်တဲ့ ဆန်၊ငါးခြောက်၊အာလူး၊ကြက်သွန်နီ၊ကော်ဖီထုပ်တို့ကို ၇ ရက်သားသမီးအလှူရှင်များနဲ့အတူ လှူဒါန်းခဲ့တယ်လို့ သူမရဲ့ လူမှုကွန်ယက်စာမျက်နှာပေါ်မှာ ရေးသားထားပါတယ်။

သတင်း အရင်းအမြစ်៖ Khine Hnin Wai