လက်ရှိမှာ မြန်မာနိုင်ငံဟာ စစ်ကောင်စီရဲ့ အာဏာသိမ်းထိန်းချုပ်ခြင်းကို ခံထားရတာ (၈)လကျော်ခဲ့ပြီဖြစ်ပါတယ်။ဒီ(၈)လအတွင်း ငွေကြေးတန်ဖိုးများကျဆင်းခြင်း ၊ ကုန်ဈေးနှုန်းများထိုးတက်ခြင်း အစရှိတဲ့ စီးပွားရေးပြဿနာများကိုရင်ဆိုင်လာခဲ့ရပါတယ်။
ဒါ့အပြင် ဖုန်းလိုင်း များနှင့်အင်တာနက်လိုင်းများဟာလည်း ယခင်ထက်စာရင် သုံးရအဆင်မပြေဖြစ်လာတယ်လို့ပြည်သူများကဆိုပါတယ်။အထူးသဖြင့် Social media တွေဖြစ်တဲ့ Facebook , Instagram , Viber တို့ကို သုံးတဲ့အခါမှာ VPN တစ်ဆင့်ခံပြီး သုံးနေကြရတာဖြစ်ပါတယ်။
အင်တာနက်လိုင်းများလည်း မကြာခဏဆိုသလို ပြတ်တောက်လေ့ရှိရာ ယနေ့ညမှာလည်း ချင်းပြည်နယ် ကလေးမြို့မှာ အင်တာနက်လိုင်းများပြတ်တောက်သွားတယ်လို့ဆိုလာပါတယ်။FIBER အင်တာနက် အပြင် WIFI များ ၊ MPT နှင့် Telenor တို့ကိုပါအသုံးပြုမရတော့ဘူးလို့ နီးစပ်ရာ ပြည်သူများဆီကကြားသိခဲ့ရတာဖြစ်ပါတယ်။ဒါ့အပြင် လက်ရှိမှာ ဟားခါးမြို့နယ်ကိုပါ အင်တာနက်နှင့်ဖုန်းလိုင်းများဖြတ်တောက်ထားကြောင်းသတင်းထပ်မံရရှိလာခဲ့ပါတယ်။ပြည်သူများအားလုံးဘေးရန်ကင်းရှင်းကြပါစေလို့ဆုတောင်းရင်း ဒီသတင်းကိုဖော်ပြလိုက်ရပါတယ်။