Hospital Playlist ဆိုတာနဲ့ လူ့သဘာဝအကြောင်း၊ သူငယ်ချင်းတွေနဲ့ လုပ်ဖော်ကိုင်ဖက်တွေကြားထားရှိတဲ့ ချစ်ခြင်းမေတ္တာတွေအကြောင်းထည့်သွင်းပုံဖော်ထားတဲ့ ရသစုံ ဇာတ်လမ်းတွဲဆိုတာ အားလုံးသိကြမှာပါ။လူ့လောက၊လူ့သဘာဝအတိုင်းဖြစ်လေ့ဖြစ်ထရှိတတ်တဲ့အကြောင်းအရာတွေကို အကောင်းမြင်စိတ်နဲ့ဖြတ်သန်းနိုင်အောင်ပညာပေးရိုက်ကူးထားတဲ့ဇာတ်လမ်းလေးဖြစ်ပါတယ်။
ဒီဇာတ်လမ်းလေးဟာ စက်တင်ဘာ(၁၆)ရက်နေ့မှာ ဇာတ်သိမ်းသွားခဲ့ပြီဖြစ်ပါတယ်။ပရိတ်သတ်များအားလုံးကလည်း နှမြောတသဖြစ်နေကြတဲ့အပြင် နောက်ထပ် Season အသစ်ထပ်ရိုက်ဖို့တောင်းဆိုနေကြပါတယ်။
ယခုအခါမှာတော့ Hospital Playlist အဖွဲ့သားတွေဟာ Variety Show တစ်ခုကိုရိုက်ကူးနေတယ်လို့ကြားသိရပါတယ်။Variety Show ကိုတော့ Wise Mountain Village Life (other title: Mountain Village Life Playlist) လို့ အမည်ပေးထားတာဖြစ်ပါတယ်။ ဒီ Variety Show ကို အောက်တိုဘာ(၈)ရက်နေ့မှာစတင်ပြသတော့မှာဖြစ်ပါတယ်။ယနေ့ စက်တင်ဘာ(၃၀)ရက်နေ့မှာတော့ Variety Show ရဲ့Official Poster လေးထွက်ရှိလာခဲ့ပါပြီ။သူငယ်ချင်း (၅) ယောက် တောထဲတောင်ထဲမှာ ဘယ်လိုတွေ ပျော်စရာတွေဖန်တီးကြမလဲဆိုတာ ပရိတ်သတ်ကြီးလည်းစောင့်မျှော်ပေးကြပါဦးနော်။