BLACKPINK အဖွဲ့ဝင် တစ်ဦးဖြစ်တဲ့ Lisa ဟာ သိပ်မကြာသေးခင်က သူမရဲ့ Solo album ဖြစ်တဲ့ Lalisa ကို ထုတ်ဝေခဲ့ပါတယ်။ထို Albumထဲမှ သီချင်းတစ်ပုဒ်ဖြစ်တဲ့ Lalisa Music Video ဟာဆိုရင်လည်း ပရိတ်သတ်များအားလုံးကြားမှာ ပြောစမှတ်တွင်ရလောက်အောင်ကို အောင်မြင်ကျော်ကြားခဲ့ပါတယ်။
ဒီ Music Video မှာဆိုရင် Lisa ဟာ သူမရဲ့ မွေးရပ်မြေဖြစ်တဲ့ထိုင်းနိုင်ငံရဲ့ ရိုးရာယဥ်ကျေးမှုတွေကို ဖော်ထုတ်ပြသခဲ့တာပဲဖြစ်ပါတယ်။Music Video ထွက်ပြီးသိပ်မကြာခင်မှာပဲ ကြည်ရှုသူ သန်းပေါင်းများစွာ ရရှိခဲ့တဲ့အတွက် ပရိတ်သတ်များအားလုံးကလည်း အံ့အားသင့်ခဲ့ကြပါတယ်။ပရိတ်သတ်အချို့ကလည်း သူ့MV ထဲကအတိုင်း Cover dance တွေ လိုက်ကကြသူများရှိသလို သူမ ရဲ့ Costume တွေအတိုင်း လိုက်ဝတ်ပြကာ အားပေးကြသူများစွာလည်းရှိခဲ့ကြပါတယ်။
ဒီထဲမှာမှ ထိုင်းနိုင်ငံက Fan တစ်ယောက်ကတော့ သူ့ရဲ့ ကြောင်လေးကို Lalisa သီချင်းထဲက အတိုင်း ထိုင်းရိုးရာ Costume ဝတ်ဆင်ပြီး ဓာတ်ပုံတွေရိုက်ကူးထားကာ Facebookစာမျက်နှာပေါ်ဖော်ပြခဲ့တာပဲဖြစ်ပါတယ်။ပရိတ်သတ်အားလုံးကလည်း ဒီကြောင်လေးကို အရမ်းပဲချစ်ခင်အားပေးနေကြတာကို မြင်ရမှာပါ။ပရိတ်သတ်ကြီးလည်း ဒီပုံလေးတွေကြည့်ရင်း ဘဝအမောကိုခေတ္တပြေပျောက်နိုင်ပါစေလို့ဆုတောင်းပေးလိုက်ရပါတယ်။