လွန်ခဲ့တဲ့ နှစ်ပေါင်း ၂၀၀ ကျော်လောက်က အင်္ဂလန် နိုင်ငံမှာ Thomas Merrylin လို့ခေါ်တဲ့ သတ္တဗေဒ ပညာရှင်တစ်ဦးရှိခဲ့ပါတယ်။
Thomas ဟာ ငွေကြေးချမ်းသာတဲ့ သူတစ်ယောက်ဖြစ်သလို သတ္တဝါတွေအကြောင်းကို လေ့လာရတာလည်း အရမ်းနှစ်သက်သူတစ်ဦးပဲ ဖြစ်ပါတယ်။
ဒါပေမယ့် တစ်နေ့မှာတော့ Thomas ဟာထူးဆန်းစွာပျောက်ဆုံးသွားခဲ့ပြီး သူဘယ်ရောက်သွားလဲ ဘယ်မှာသေသွားလဲ ဘယ်သူမှ သေချာမပြောနိုင်ကြပါဘူး။
Thomas မရှိတဲ့နောက်ပိုင်းမှာတော့ သူနဲ့ ဆွေမျိုးတော်စပ်သူဟာ Thomas ရဲ့ အိမ်ကြီး ကို လန်ဒန်မိဘ မဲ့ဂေဟာ အဖြစ်လှုဒါန်း ခဲ့ပါတယ်။
လှူဒါန်းခဲ့ချိန်မှာ ဒီအိမ်ကြီးရဲ့ မြေအောက်ခန်းကို လုံးဝဖွင့်မကြည့်ဖို့တော့ ကတိကဝတ်ပြုခဲ့ကြပါတယ်။
ဒါပေမယ့်လည်း 2006 ခုနှစ်မှာ မိဘမဲ့ ဂေဟာ အဖြစ်လှုဒါန်းထားတဲ့ Thomas အိမ်ရဲ့ မြေအောက်ခန်းကို ဖွင့်မိတဲ့ အခါမှာတော့ ရှားပါးလှတဲ့ သတ္တဝါတွေရဲ့ ရုပ်ကြွင်းတွေအပါအဝင် ရုပ်ကြွင်းပေါင်း ၅၀၀၀ လောက်ကိုတွေ့ရှိခဲ့ရပါတယ်။
တစ်ချို့သော ရုပ်ကြွင်းတွေဆိုရင် ဘာသတ္တဝါတွေရဲ့ ရုပ်ကြွင်းလဲဆိုတာတောင် ပြောပြဖို့ခဲယဥ်းလှတဲ့ ရှားရှားပါးပါးရုပ်ကြွင်းတွေပဲ ဖြစ်ပါတယ်။
သတင်း အရင်းအမြစ်៖ Demilked