ဂျပန်နိုင်ငံ၊ Hitachinaka မြို့ မှာရှိတဲ့ Hitachi ပန်းခြံဟာ ကမ္ဘာပေါ်က အလှပဆုံးပန်းခြံတွေထဲမှာ တစ်ခုအပါအဝင်ဖြစ်တဲ့ ပန်းခြံကြီးတစ်ခုပဲ ဖြစ်ပါတယ်။
ဒီပန်းခြံကြီးထဲမှာ ဧပြီလဆိုရင် nemophilas သို့မဟုတ် baby blue eyes လို့ခေါ်တဲ့ အပြာရောင်ပန်းတွေ ဖူးပွင့်ကြတာကြောင့် ပန်းခြံကြီးတစ်ခုလုံးဟာ အပြာရောင်သန်းသွားပြီး မြင်တွေ့ရတဲ့ ရှုခင်းကလည်း အရမ်းကိုလှပပါတယ်...
ဒီ Hitachi ပန်းခြံထဲမှာ တစ်နှစ်တာ ပတ်လုံး ပန်းအမျိုးအစား စုံစုံလင်လင် ဖူးပွင့်လေ့ရှိပါတယ်။ ပန်းပင် အမျိုးအနွယ် စုစုပေါင်း ၆၀၀ ကျော်လောက် စိုက်ပျိုးထားသလို နှင်းပန်းပင်တွေလည်း သန်းချီ စိုက်ထားပါသေးတယ်။
အပြာရောင်ပန်းပွင့်လေးတွေ ပွင့်တဲ့ baby blue eyes တွေကိုလည်း သိန်းနဲ့ချီ စိုက်ပျိုးထားတယ်လို့ သိရပါတယ်...
ဧပြီလရောက်တိုင်း အပြာရောင် ပန်ချီကားကြီးတစ်ချပ်လိုဖြစ်နေတဲ့ ဒီပန်းခြံကြီးထဲကို နှစ်စဉ်လာရောက်လည်ပတ်သူတွေကလည်း တော်တော်လေးကိုများပြားပါတယ်။
ဒါ့အပြင် ဒီပန်းခြံကြီးဟာ အင်တာနက်ပေါ်မှာလည်း အရမ်းကျော်ကြားသလို Hitachinka မြို့ကိုရောက်ရင် မဖြစ်မနေသွားရောက်လည်ပတ်သင်တဲ့ နေရာတစ်ခုပါပဲ။
သတင်း အရင်းအမြစ်៖ Matcha