တောင်ကိုရီးယား နာမည်ကြီး အမျိုးသမီးK-pop အဖွဲ့ဖြစ်တဲ့ Blackpink ဟာ အခုရက်ပိုင်းတွေမှာ သူတို့ရဲ့ အေဂျင်စီဖြစ်တဲ့ YG Entertainment နဲ့ စာချုပ်ချုပ်ဖို့ ပြဿနာတစ်ချို့ရှိနေခဲ့တာ ဖြစ်ပါတယ်။ YG Entertainment အနေနဲ့ Blackpink နဲ့ ဆက်လက်လက်တွဲဖို့ ဆန္ဒရှိပေမယ့် ကိစ္စတစ်ချို့ကြောင့် အခက်အခဲတွေနဲ့ ရင်ဆိုင်နေရတာ ဖြစ်ပါတယ်။
မကြာသေးမီက Blackpink အဖွဲ့ထဲမှာ အဖွဲ့ဝင်တစ်ယောက်ဟာ YG နဲ့ ပထမဆုံးစာချုပ်မချုပ်ဆိုမယ့် သူလို့ သတင်းတွေထွက်ပေါ်ခဲ့တယ်။ သူကတော့ Rose ဖြစ်ပြီး YG နဲ့ စာချုပ်မချုပ်မယ့် ပထမဆုံးသူလို့ ပရိသတ်တွေက ထင်ကြေးပေးခဲ့ကြပါတယ်။
အကြောင်းအရင်းကတော့ Capitol Record လို့ခေါ်တဲ့ အေဂျင်စီရဲ့ CEO ဟာ Instagram မှာ Rose ကို Follow ခဲ့တာကို အင်တာနက်အသုံးပြုသူတွေက တွေ့ရှိခဲ့တာ ဖြစ်ပါတယ်။Rose သာ ဒီအေဂျင်စီနဲ့လက်တွဲခဲ့ရင် YG လို ကန့်သတ်ချက်တွေများစွာရှိမယ့်အစား တစ်ကိုယ်တော်လှုပ်ရှားမှုတွေကို လွတ်လွတ်လပ်လပ် လုပ်ဆောင်နိုင်မယ်လို့ အင်တာနက်အသုံးပြုသူတွေက ယူဆနေကြပါတယ်။
သို့ပေမယ့် Capitol Record ရဲ့ CEO ဟာ IVE ကိုလည်း Follow လုပ်ထားသောကြောင့် Rose ကိုပါအခုလိုလုပ်ခြင်းဟာ အဓိပ္ပါယ်မရှိကြောင်း အင်တာနက်သုံးစွဲသူအများအပြားက ထင်မြင်နေခဲ့ကြပါတယ်။
Photos:Credit
သတင်း အရင်းအမြစ်៖ Kbizoom