တောင်ကိုရီးယားနာမည်ကြီး မင်းသမီးဆောင်းဟေကိုဟာ ပရိသတ်အားပေးမှုအခိုင်အမာ ရရှိထားတဲ့ မင်းသမီးဖြစ်ပြီး အောင်မြင်မှုများစွာ ပိုင်ဆိုင်ထားတဲ့ သရုပ်ဆောင်တစ်ယောက်ဖြစ်ပါတယ်။သူမဟာ ဇာတ်ကားတစ်ကားရိုက်တိုင်း ရရှိတဲ့ အနုပညာကြေးဟာ အလွန်များပြားတာဖြစ်ပါတယ်။
မကြာသေးမီကထွက်ရှိခဲ့တဲ့ ဆောင်းဟေကို အဓိကပါဝင်သရုပ်ဆောင်ထားတဲ့ The Glory ဟာ အောင်မြင်မှု ကြီးကြီးမားမားရရှိခဲ့ပြီး ပရိသတ်အကြိုက်တွေ့ခဲ့တဲ့ ဇာတ်လမ်းတွဲလည်း ဖြစ်ပါတယ်။The Glory ဟာ စံချိန်အများအပြားတင်နိုင်တဲ့ အထိ အောင်မြင်ခဲ့တာဖြစ်ပြီး ဆောင်းဟေကို ရဲ့ The Glory အပိုင်းတစ်ပိုင်း အတွက်အနုပညာကြေးဟာ အလွန်များပြားနေတာ ဖြစ်ပါတယ်။
ဆောင်းဟေကို ဟာ The Glory တစ်ပိုင်းစာကို ကိုရီးယားဝမ် သန်း ၂၀၀ အနုပညာကြေးရရှိခဲ့တာဖြစ်ပြီး ဒီကြေးဟာ အမျိုးသမီးသရုပ်ဆောင်တွေထဲမှာ အမြင့်ဆုံးဖြစ်ပါတယ်။အစဥ်အလာအရ မင်းသားတွေဟာ မင်းသမီးတွေထက် အနုပညာကြေးမြင့်တယ်လို့ သိရပြီး မင်းသား Lee Junjae ဟာ အနုပညာကြေး (၁) ဘီလီယံအထိရရှိပြီး ထိပ်ဆုံးမှာ ရပ်တည်နေတာ ဖြစ်ပါတယ်။
The Glory ဟာ နိုင်ငံတကာကိုပါထိုးဖောက်ခဲ့တာကြောင့် Season 2 မှာ ဆောင်းဟေကို အနေနဲ့ အနုပညာကြေးပိုရမယ်လို့ ထင်ကြေးပေးမှုတွေလည်း ရှိလာခဲ့တာ ဖြစ်ပါတယ်။The Glory Season 2 ဟာ မတ်လ (၁၀) ရက်နေ့မှာ ထွက်ရှိမှာဖြစ်ပါတယ်။
Photos:Credit
သတင်း အရင်းအမြစ်៖ Kbizoom