ပရိသတ်တွေရဲ့အချစ်တော်လေး BlackPink အဖွဲ့ဝင် Lisa ဟာဆိုရင်သူကြုံတွေ့နေရတဲ့ အကြောင်းအရာလေးတွေကို အင်တာဗျူးတစ်ခုမှာ မျှဝေလာခဲ့ပါတယ်။ iHeart ကလုပ်တဲ့ ရေဒီယိုအစီအစဉ်တစ်ခုနဲ့ အင်တာဗျူးရင်း သူကသူ့ရဲ့အိမ်ကသရဲတစ်ကောင်အကြောင်းကို ရယ်ရယ်မောမောပြောပြလာခဲ့ပါတယ်။
Lisa ကသူ့အိမ်မှာ သရဲအခြောက်ခံနေရတဲ့အကြောင်းကို "ကျမအခန်းထဲမှာ ဆင်ဆာပါတဲ့ အမှိုက်ပုံးလေးတစ်ခုရှိပါတယ်။ ထိလိုက်ရင် 'win' လို့အော်ပြီး အမှိုက်ပုံးရဲ့အဖုံးကပွင့်လာတတ်ပါတယ်။ တနေ့ကျမအခန်းထဲက ကွန်ပျူတာရှေ့မှာလုပ်စရာရှိတာလုပ်ရင်းထိုင်နေတုန်း အနောက်ကအမှိုက်ပုံးကြီးက ဘယ်သူမှမထိပဲ အသံတွေမြည်ပြီး အဖုံးထပွင့်တာတွေ့ရပါတယ်။
ကျမလည်း ကျမရဲ့ကြောင်လေးထိသွားလို့လားလို့ လိုက်ရှာတော့ ကြောင်လေးကိုလည်း မတွေ့ရပါဘူး။ ၁၀ မိနစ်လောက်ဆက်တိုက်ဖြစ်နေတော့ ကျမလဲတော်တော်လန့်သွားခဲ့ပါတယ်။" ဆိုပြီးပြောပြလာခဲ့ပါတယ်။ အဲ့ဒီမှာ PD ကအိမ်ရဲ့နောက်ကြောင်းမစုံစမ်းကြည့်ဘူးလားလို့မေးတဲ့အခါ
Lisa က "မစုံစမ်းဖြစ်ပါဘူး၊ အခုတော့ဒါကအထူးအဆန်းမဟုတ်တော့လို့ သရဲနဲ့ပဲအတူတူနေလိုက်တာပေါ့'" ဆိုပြီး အရွှန်းဖောက်ပြောဆိုသွားခဲ့ပါသေးတယ်။ပရိသတ်တွေကတော့ လီဆာကို ဂရုစိုက်ဖို့ပြောနေကြပြီး လီဆာနဲ့အတူရှိခွင့်ရတဲ့ သရဲကိုလည်း အားကျနေကြပါတယ်။
Photos- credit
Bong I.T