သားဖြစ်သူနဲ့အန္တရာယ်များလွန်းတဲ့ကိစ္စကြီး လုပ်ခဲ့ရတဲ့အကြောင်း ရှင်းပြခဲ့တဲ့ Lee Si Young

တောင်ကိုရီးယားမင်းသမီး Lee Si Young ဟာဆိုရင် ဝေဖန်မှုတွေ မြင့်တက်နေတဲ့ ကြားထဲကနေ သားလေးကို ကျောပေါ်တင်ပြီး Halla တောင်ပေါ်ကို တက်နေတဲ့ပုံရိပ်လေးတွေ ဝေမျှပေးလာခဲ့ပါတယ်။ ဇန်နဝါရီလ ၂၄ ရက်နေ့မှာ Lee Si Young က သူမရဲ့ လူမှုကွန်ရက်စာမျက်နှာပေါ်မှာ Welcome the New Year at Mount Halla ဆိုတဲ့စာသားလေးနဲ့ ဓာတ်ပုံလေးတွေ အများကြီး တင်ပေးလာပါတယ်။

အဆိုပါဓာတ်ပုံတွေထဲမှာ Lee Si Young က သူမရဲ့သားလေးကို ကျောကုန်းပေါ်တင်ပြီး Halla တောင်ပေါ်ကို တက်နေတာဖြစ်ပါတယ်။ Lee Si Young က နှစ်သစ်ကူးအချိန်တုန်းကလည်း သူမရဲ့ သားလေးကို ကျောပေါ်တင်ပြီး တောင်တက်နေတဲ့ ပုံတွေ တင်ပေးခဲ့ဖူးပါသေးတယ်။ အဆိုပါ ဓာတ်ပုံတွေထဲမှာ Lee Si Young ကိုသားဖြစ်သူအတွက် အန္တရာယ်ရှိတဲ့ အပြုအမူတွေ လုပ်နေတယ်လို့ဆိုကာ ပရိသတ်တွေက ဝေဖန်ခဲ့ကြပါသေးတယ်။

Lee Si Young က သူမရဲ့သားလေးနဲ့အတူတောင်တက်ခဲ့ရတဲ့ အကြောင်းအရင်းကိုလည်း ထပ်မံပြီး ပြောခဲ့ပါသေးတယ်။ Lee Si Young က အခုအချိန်မှ Halla တောင်ပေါ်ကို မတက်ရင် နောက်ထပ် အချိန် ၅ နှစ်စောင့်ရမှာဖြစ်ကြောင်း ၊ ၅ နှစ်ဆိုတဲ့အချိန်က သူမအတွက် အရမ်း အိုနေပြီဖြစ်တာကြောင့် သားလေးကို အခုလို ကျောပေါ်တင်ပြီး တတ်နိုင်ဖို့ဆိုတာ သူမအတွက် မသေချာတော့ကြောင်း ၊ အမှတ်တရလေးတွေ သိမ်းထားချင်တာကြောင့် အခုလိုမျိုး ဆုံးဖြတ်ခဲ့ရတာဖြစ်ကြောင်း ဆိုခဲ့ပါတယ်။

Lee Si Young က တောင်ထိပ်ပေါ်အထိ မရောက်နိုင်ခဲ့ပေမယ့် အဲဒီအချိန်လေးက ၂၀၂၂ ခုနှစ်အတွင်းမှာ သူမရဲ့ အပျော်ဆုံး အချိန်လေးဖြစ်ပြီး ဘယ်တော့မှလည်း မေ့နိုင်မှာ မဟုတ်တဲ့ အချိန်လေးဖြစ်တယ်လို့ တန်ဖိုးထားစွာနဲ့ ပြောခဲ့ပါတယ်။

ဝေဖန်မှုတွေ ကြားထဲကနေ သားလေးကို ကျောပေါ်တင်ပြီး တောင်တက်ပြလိုက်ရတဲ့ အကြောင်းအရင်းလေးကို ရှင်းပြခဲ့တဲ့ Lee Si Young အကြောင်းကို ပရိသတ်အတွက် ဝေမျှပေးလိုက်ပါတယ်။