နှစ်ပေါင်း ၄၀ ကျော်မှ ပထမဆုံး ရွှေကမ္ဘာလုံးဆု ရရှိခဲ့တဲ့ မလေးရှား မင်းသမီး မီရှဲလ်ယို

ကမ္ဘာကျော် မလေးရှား ရုပ်ရှင်မင်းသမီး မီရှဲလ်ယို (Michelle Yeoh) ကတော့ ရွှေကမ္ဘာလုံးဆုပေးပွဲမှာ Everything, Everywhere All at Once. ရုပ်ရှင်နဲ့ "အကောင်းဆုံး အမျိုးသမီးသရုပ်ဆောင်ဆု" comedy or musical ဆု ကို ရခဲ့တယ်လို့ သိရပါတယ်။ ဒီဆုဟာ မီရှဲလ်အတွက် နှစ်ပေါင်း ၄၀ ကျော်မှ ပထမဆုံးရရှိခဲ့တဲ့ ရွှေကမ္ဘာလုံးဆုဖြစ်ပါတယ်။

ဒီဆုနှင့် ပတ်သက်ပြီး စင်​ပေါ်မှာသူ​ပြောသွားတာကတော့ "နှစ်ပေါင်း ၄၀ ကျော်အောင် ဘယ်တော့မှလက်မလျော့ခဲ့ဘူး... ဒီနေ့ ဒီနေရာမှာရောက်နိုင်ဖို့ မယုံနိုင်လောက်အောင် ကြိုးစားတိုက်ပွဲဝင်ခဲ့ရပြီး အံ့မခန်းလောက်အောင် ကောင်းမွန်တဲ့ ခရီးစဥ်တစ်ခု ဖြစ်ခဲ့ပါတယ်.... ဒါပေမယ့်လည်း ကြိုးစားရကျိုးနှပ်ပါတယ် "လို့ ပြောကြားခဲ့ပါတယ်။ ဒါဟာ တကယ်ကို inspiration ပါပဲ..Asian ​တွေ Hollywood မှာ ​နေရာ​တွေပိုပိုရလာလို့လဲ ​ကျေနပ်စရာကောင်းပါတယ်။

ဒီဆုကို ဆွတ်ခူးနိုင်ခဲ့ပြီးနောက် မီရှဲလ်ယိုဟာ ဒုတိယမြောက် အာရှသရုပ်ဆောင် ဖြစ်လာခဲ့ပါတယ်။ ဒါဟာ သူမရဲ့ ကြိုးစားအားထုတ်မှုတွေကြောင့် ရသင့်ရထိုက်တဲ့ ဆုလည်းဖြစ်ပါတယ်။

သတင်း အရင်းအမြစ်៖ Source - CNA