ချစ်ရတဲ့ မိတ်ဆွေ သူငယ်ချင်းများနှင့်စုပေါင်းပြီး ကြည်နူးစရာ လှူဒါန်းမှုတစ်ခု ပြုလုပ်ခဲ့တဲ့ ပိုပို

အသံပါဝါကောင်းကောင်းနဲ့ ပရိသတ်တွေရဲ့ အားပေးချစ်ခင်မှုတွေကို သိမ်းပိုက်ထားနိုင်သူကတော့ အဆိုတော် ပိုပို ပဲ ဖြစ်ပါတယ်။ ပိုပိုဟာ ဂီတလောကမှာ အောင်မြင်မှုတွေနဲ့‌လျှောက်နေခဲ့ပြီး တေးသီချင်းများစွာ ထွက်ရှိထားတဲ့ အနုပညာရှင်တစ်ဦးပဲ ဖြစ်ပါတယ်။

မကြာသေးမီက ဖမ်းဆီးချုပ်နှောင်ခံထားရာကနေ လွတ်မြောက်ခဲ့ပြီးနောက်မှာလည်း ဝါသနာပါရာ အနုပညာအလုပ်တွေကို ပြန်လည်လုပ်ကိုင်ခဲ့ပါတယ်။ သူမဟာ အနုပညာအလုပ်အပြင် ဘာသာရေးနှင့် အလှူအတန်းတွေကိုလည်း မကြာခဏပြုလုပ်ခဲ့တာ တွေ့ရပါတယ်။ ယခုမှာလည်း ပိုပိုက ကုသိုလ်ကောင်းမှုလေးတစ်ခု ပြုလုပ်ခဲ့တာကို ပရိသတ်တွေ ထပ်တူကြည်နူးအောင် ဖော်ပြခဲ့ပါတယ်။

ဒါကတော့ မဟာဝိဟာရ ဘုန်းကြီးကျောင်းမှာ ပေါက်စီ အလုံး ၆၅၀ ကို ချစ်ရတဲ့ မိတ်ဆွေ သူငယ်ချင်းနှင့်စုပေါင်း လှူဒါန်းခဲ့တာ ဖြစ်ပါတယ်။ အဲ့ဒီထဲမှာ ဟာသ သရုပ်ဆောင် ဆင်မတို့ ဇနီးမောင်နှံတို့ကလည်း တစ်ထောင့်တစ်နေရာက ပါဝင်ကုသိုလ်ပြုခဲ့တာကို တွေ့ရပါတယ်။ ပိုပိုကတော့ ပြုလုပ်ခဲ့တဲ့ ဒီအလှူလေးနဲ့ ပတ်သက်ပြီး ၇ ရက်သားသမီး အလှူလေးပါ ပရိတ်သတ်တွေ အားလုံး စိတ်ချမ်းသာခြင်း ကိုယ်ကျန်းမာခြင်းများနှင့်ပြည့်စုံပြီး ချမ်းသာ ကြွယ်ဝခြင်းများနှင့် ပြည့်စုံကြပါစေ ...မိမိ ချစ်ခင်နှစ်သက်တဲ့သူတွေနဲ့ အမြန်ဆုံး ပြန်လည်တွေ့ဆုံနေထိုင်နိုင်ကြပါစေ" လို့ ဆုမွန်ကောင်းတောင်းပေးထားတာ တွေ့ရပါတယ်။

သတင်း အရင်းအမြစ်៖ Source - popo