ကယန်းလက်ဝှေ့မယ် ဘရော်နီကာဟာ ထိုင်းနိုင်ငံ၊ ဘန်ကောက်မြို့ ကျင်းပပြုလုပ်တဲ့ ထိုင်းဘုရင့်ဖလားချန်ပီယံ (Thai Fight Royal Cup Champion) အဖြစ်ထိုးသတ်တဲ့ မွေ့ထိုင်းလက်ဝှေ့ပွဲမှာ ချန်ပီယံ (၉) ကြိမ်ရယူထားတဲ့ ဂရိနိုင်ငံသူ Fani Peloumpi ကို အလဲထိုးအနိုင်ယူခဲ့တယ်လို့ သိရပါတယ်။
ကယန်းတိုင်းရင်းသူ ဘရော်နီကာဟာ ပြိုင်ဘက်ကို အသာစီးက ထိုးသတ်ခဲ့ပြီး တတိယအချီမှာပဲ ညာဝှိုက်လက်သီး အလဲထိုးသတ်နိုင်ခဲ့တာ ဖြစ်ပါတယ်။ ပြိုင်ဘက် အသက် ၃၈ နှစ်အရွယ် ဂရိနိုင်ငံသူ Fani Peloumpi ဟာ မွေထိုင်းပွဲပေါင်း တစ်ရာကျော် အတွေ့အကြုံရှိပြီး ကမ္ဘာ့ချန်ပီယံ ၉ ကြိမ် ရရှိထားတဲ့ မွေထိုင်းလောကရဲ့ အထင်ကရ ဖိုက်တာတစ်ယောက်ဖြစ်ပါတယ်။
ဒီပွဲကို အနိုင်ရတာကြောင့် ဘရော်နီကာဟာ ဆုကြေးငွေ ဘတ် ၂သိန်းခွဲနဲ့ စပွန်ဆာကုမ္ပဏီက ချီးမြှင့်တဲ့ ဘတ်တစ်သိန်းခွဲ စုစုပေါင်း ဘတ် ၄ သိန်းကို ရရှိခဲ့တယ်လို့ သိရပါတယ်။ ကဲ...Myanmarload ပရိသတ်ကြီးရေ ယိုးဒယားမြေမှာ မြန်မာ့ဂုဏ်ဆောင်နိုင်ခဲ့တဲ့ ဘရော်နီကာ ကို ဂုဏ်ပြုစကားလေးတွေ ပြောပေးခဲ့ပါဦး။
သတင်း အရင်းအမြစ်៖ Source - BBC / MeKOng