ဘောလုံးလောကမှာ နတ်ဘုရားလိုတင်စားခြင်းခံရတဲ့ လီယွန်နယ်မက်ဆီဟာ ကမ္ဘာ့ဖလားဆုကြီးကို ပိုက်ပြီး အပြုံးပန်းတွေနဲ့ အိမ်ပြန်လှခဲ့ပြီဖြစ်ပါတယ်။ မက်ဆီဟာ အာဂျင်တီးနားအသင်းခေါင်းဆောင်တစ်ယောက်အနေနဲ့ရော ကစားသမားတစ်ယောက်အနေနဲ့ပါ တကမ္ဘာလုံးရဲ့ မျက်စိအရှေ့မှာ အကောင်းဆုံးလုပ်ပြနိုင်ခဲ့တာ ဖြစ်ပါတယ်။
ပိုပြီး စိတ်ဝင်စားစရာကောင်းတာကတော့ မက်ဆီရဲ့ ကမ္ဘာ့ဖလားပိုစ့်ဟာ အင်စတာဂရမ်သမိုင်းမှာ Like အများဆုံးအဖြစ် မှတ်တမ်းဝင်ခဲ့ပါတယ်။ ဒါ့အပြင် တကမ္ဘာလုံးအာရုံစိုက်ခံခဲ့ရတဲ့ မက်ဆီရဲ့ ပေါ်ပြူလာဖြစ်ခြင်းကို ဇူကာဘတ်ကတောင် အံ့ဩခဲ့ရရှာပါတယ်။
ဇူကာဘတ်ရဲ့ လူမှုကွန်ယက်မှတော့ "Leo Messi ရဲ့ ကမ္ဘာ့ဖလား ပို့စ်ဟာ အခု အင်စတာဂရမ် သမိုင်းမှာ Like အများဆုံး ဖြစ်သွားပြီ... WhatsApp ဟာ ဗိုလ်လုပွဲစဉ်အတွင်း တစ်စက္ကန့်ကို မက်ဆေ့ချ် ၂၅ သန်း စံချိန်တင်ရရှိခဲ့တယ်ဆိုပြီး" ရေးသားခဲ့ပါတယ်။
သတင်း အရင်းအမြစ်៖ Source - MarkZuckerberg
Bong I.T