“Gurumi Haribo” ဆိုတဲ့ အမည်နဲ့ အကောင့်ဟာ Jennie ရဲ့ ပရိသတ်တွေကို ထိတ်လန့်စေတဲ့ 18+ ပုံတွေတင်ခဲ့ပြီး ဒီအကောင့် က ဆိုရှယ်မီဒီယာမှာ တခြား Idol တွေရဲ့ ပုံတွေကိုလည်း ရိုက်ပြီးတင်ဖူးတယ်လို့ ETtoday က ဖော်ပြခဲ့ပါတယ်။ သူက Jennie ရဲ့ဖုန်းမှာ အတွင်းခံဘောင်းဘီ သေးသေးလေးကို ဝတ်ဆင်ထားတဲ့ အမျိုးသားတစ်ဦးရဲ့ ၀တ်လစ်စလစ် ဓာတ်ပုံပါရှိတယ်လို့ လှောင်ပြောင်ခဲ့ပါသေးတယ်။
Jennie နဲ့ BTS V တို့ လအတော်ကြာ ချိန်းတွေ့ခဲ့ကြပြီး Jeju ကျွန်းကို အတူတူ ခရီးထွက်ခဲ့ကြကြောင်း အဆိုပါ hacker က အတည်ပြုခဲ့သလို Jennie ရဲ့ ကိုယ်ရေးကိုယ်တာ ဓာတ်ပုံများကိုလည်း ပေါက်ကြားစေခဲ့ပါတယ်။ ဒါ့ပြင် Jennie ရဲ့ gallery ထဲက screenshot တစ်ခုကို ဖော်ထုတ်ခဲ့ပါတယ်။ အဲဒီမှာတော့ ဓာတ်ပုံ folder တစ်ခုကို “18+” လို့ နာမည်ပေးထားခဲ့တာကြောင့် ပရိသတ်တွေကို များစွာထိတ်လန့်စေခဲ့ပါတယ်။
SNS အကောင့်တစ်ခုက Jennie ရဲ့ ရေချိုးကန်ထဲက ဓာတ်ပုံတစ်ပုံကို တင်ခဲ့ပါတယ်။ Caption မှာ “Jennie က လူတိုင်းကို unfollow လုပ်ထားပေမယ့် V နဲ့ ဓာတ်ပုံတွေကိုတော့ ထုတ်ဖော်ထားပြီးသားပါ။ အခုက အရမ်းနောက်ကျနေပြီ။ ဒါကတော့ Jennie က ရေချိုးကန်ထဲမှာ ရေချိုးနေတဲ့ပုံဖြစ်တယ်” လို့ ဖော်ပြထားခဲ့တာပါ။
YG Entertainment ကတော့ ဒီအချက်အလက်တွေကို အတည်မပြုရသေးတာကြောင့် ပရိသတ်တွေက ပိုပြီး စိုးရိမ်နေကြပြီး ဒေါသတွေ ထွက်နေကြပါတယ်။ Hacker ကို ဒီလိုလုပ်ရပ်မျိုးထပ်မလုပ်ဖို့၊ တရားဉပဒေအရ အရေးယူပေးဖို့၊ ကောင်မလေးကို ကာကွယ်ပေးဖို့ YG Entertainment ကို တောင်းဆိုနေကြသလို အပြစ်တွေလည်း တင်နေကြပါတယ်။
သတင်း အရင်းအမြစ်៖ KBIZoom
Bong I.T