ဒီကနေ့ အောက်တိုဘာ(၆)ရက်နေ့ ၊ နံနက်အစောပိုင်းခန့်က ရန်ကုန်တိုင်းဒေသကြီး ၊ ရန်ကုန်မြို့ရှိ မဟာဗန္ဓုလတံတားပေါ်မှာ ကွန်တိန်နာကားကြီး တိမ်းမှောက်မှုဖြစ်ပွားခဲ့ကာ အဆိုပါ ကွန်တိန်နာကားကြီးရဲ့ယာဥ်မောင်းဖြစ်သူ ထွက်ပြေးတိမ်းရှောင်သွားခဲ့တယ် လို့ သိရပါတယ်။
ယနေ့ အောက်တိုဘာ(၆)ရက်နေ့ ၊ နံနက်အစောပိုင်း ၊ မနက်(၅) နာရီခန့်က ဒေါပုံမြို့ဘက်မှမောင်းနှင်လာခဲ့တဲ့ ကွန်တိန်နာယာဉ်ကားကြီးဟာ မဟာဗန္ဓုလတံတားပေါ်အရောက်မှာ တိမ်းမှောက်ခဲ့ခြင်းဖြစ်ကြောင်း သိရပါတယ်။
၎င်း ဖြစ်စဥ်တွင် တိမ်းမှောက်သွားခဲ့တဲ့ ကွန်တိန်နာကားရဲ့ ယာဥ်မောင်းသူဟာ အခင်းဖြစ်နေရာမှထွက်ပြေးတိမ်းရှောင်သွားခဲ့တာဖြစ်တယ်လို့ သိရပါတယ်။ အခြားသောယာဉ်နှင့် လူများကို ထိခိုက်ဆုံးရှုံးတာတော့မရှိခဲ့ဘူးလို့လည်းသိရပါတယ်။