လနဲ့ချီပြီး BlackPink အဖွဲ့ဝင် Jennie ရဲ့ကောလဟာလတွေထွက်ပေါ်ပြီးတဲ့နောက်မှာတော့ YG Entertainment ကဥပဒေအရအရေးယူဖို့ ဆုံးဖြတ်ချက်ချလိုက်ပြီလို့ သိရပါတယ်။ မနေ့က YG Entertainment က ထုတ်ပြန်တဲ့ထုတ်ပြန်ချက်ထဲမှာ
" YG အနေနဲ့ Jennie ရဲ့ပုံတွေကိုဖြန့်နေသူကို အရေးယူပေးဖို့ ရဲတပ်ဖွဲ့ထံတိုင်ကြားလိုက်ပြီဖြစ်ကြောင်း အသိပေးပါရစေ" လို့စထားကာ "YG အနေနဲ့ Jennie ရဲ့ကိစ္စအခြေအနေကို စောင့်ကြည့်နေခဲ့တာကြာပြီဖြစ်ကြောင်းနဲ့ ပြဿနာတွေပိုပြီးဆိုးရွားလာမှာစိုးတဲ့အတွက် နှုတ်ဆိတ်နေခဲ့ကြောင်း" ပြောထားပါတယ်။
"ဒါပေမယ့် လက်တလောထွက်လာတဲ့ပုံတွေဟာ ကောလဟာလအဆင့်ကိုကျော်လွန်ပြီး အမုန်းတရားနဲ့ Personal attack လုပ်တာ၊ စွပ်စွဲတာ၊ ကိုယ်ရေးကိုယ်တာကိုဝင်ရောက်စွပ်ဖက်တာတွေအပြင် လိင်ပိုင်းဆိုင်ရာအရပါထိပါးနှောင့်ယှက်လာတဲ့အတွက် ဒီအခြေအနေတွေကိုဆက်ပြီးမကြည့်နိုင်တော့ပဲ တာဝန်အရအခုလိုဆောင်ရွက်ရတာဖြစ်ပါတယ်၊ လက်ရှိမှာတော့အချက်အလက်တွေစုဆောင်းကာ ဆက်သွယ်ရေးပုဒ်မ၊ သတင်းအမှားဖြန့်ဝေမှု၊ အသရေဖျက်မှုတွေနဲ့ အမှုဖွင့်ထားပြီး ရှေ့ဆက်လည်းလုပ်နိုင်သမျှ ဥပဒေကြောင်းအရအရေးယူမှုအားလုံး လုပ်ဆောင်သွားပါမယ်။
idol တွေရဲ့လုံခြုံမှုနဲ့ ဂုဏ်သက္ခာဟာ YG အတွက်ဦးစားပေးဖြစ်ပြီး ရှေ့လျှောက်လည်း idol တွေကိုတက်နိုင်သလောက် ကာကွယ်ပေးသွားပါမယ်" ဆိုပြီးထုတ်ပြန်ချက်မှာဖော်ပြပါရှိပါတယ်။ ပရိသတ်တွေကတော့ YG အနေနဲ့အခုလိုလုပ်သင့်တာ လွန်ခဲ့တဲ့ ၅ လလောက်ကတည်းကဖြစ်ပြီး ရှေ့ဆက်လည်းနှုတ်ဆိတ်မနေဖို့ တောင်းဆိုထားပါတယ်။
Photos- credit
Source: Allkpop