ဇနီးဖြစ်သူ ကိုယ်ဝန်ရှိနေပြီဆိုတဲ့ သတင်းကို ကြေငြာပြီးနောက်မှာတော့ ထိပ်တန်းမင်းသား Weir Sukollawat ဟာ ဇနီးသည်ကို အုံ့မှိုင်းပြီး စိမ်းလန်းတဲ့အငွေ့အသက်တွေခံစားရအောင်လို့ ခရီးကို လိုက်ပို့ခဲ့ပါတယ်။
မကြာသေးမီက Weir ရဲ့ ဇနီးဖြစ်သူ Vikki က သူမရဲ့သားဦးလေးကို ကိုယ်ဝန်လွယ်ထားရစဉ် တောင်တက်ခရီးထွက်ခဲ့ကြပါတယ်။
ကိုယ်ဝန်ဆောင်နေရစဉ် တောင်တွေတက်နေကြတာမို့ ပရိသတ်တွေက ကျန်းမာရေးကို စိတ်ပူနေကြပါတယ်။
Weir ရဲ့ အရင်းနှီးဆုံးသူငယ်ချင်းဖြစ်တဲ့ Nut Journey ချန်နယ်ရဲ့ ဗီဒီယိုကလစ်အသစ်တစ်ခုမှာ "ခရီးမှာ Weir က အလုပ်တွေရှုပ်နေတာကြောင့် သူနဲ့ Vikki တို့က Lopburi ပြည်နယ်မှာ တောင်တက်ခဲ့ကြတာပါ။ဒီခရီးကို လူတိုင်းက စိတ်ပူကြတယ်။ စိုးရိမ်စရာတော့ မရှိပါဘူး။
ဒီခရီးက အေးဆေးလမ်းလျှောက်ရုံပါပဲ။ အရာအားလုံးက အေးဆေးပါပဲ။ တောင်က အရမ်းမမြင့်ပါဘူး။ တောင်တက်လို့ ပင်ပန်းရင်လည်း အနားယူလို့ ရတာပါတယ်လို့ " ဟု Nut က ပြောပြခဲ့ပါတယ်။
လူတော်တော်များများက စိုးရိမ်ကြပေမယ့် Vikki ကတော့ သန်မာပြီး ကျန်းမာတဲ့မိခင်တစ်ယောက်ဖြစ်လို့နေပါပြီ။
အခုလို ရိုးရိုးရှင်းရှင်းလေးနေရတဲ့ ဘဝကို သဘောကျပြီး သရုပ်ဆောင် Weir နဲ့ လည်း သာယာပျော်ရွှင်တဲ့ မိသားစု ဘဝလေးကို ပိုင်ဆိုင်နေပါပြီ။